Codice diplomatico della Lombardia medievale
(secoli VIII - XII)

(ST) In Christi nomine. Anni ab incarnacione domini nostri Iesu Christi mileximo quadraieximo, quarto decimo kalendas marcii, | indicione octava. Ego in Dei nomine Lambertus presbiter et cimiliarcha de ordine sancte Bergomensis Eclesie, abitator civitate Bergamo, | qui profeso sum ex nacione mea legem vivere Saliham, presens presentibus dixi: 'Quiquis (a) in sanctis ac venerabilibus locis exuis (b) aliquit contullerit | rebus, iusta Octoris vocem in hoc seculo centuplum haccipiet et insuper, quod melius est, vitam possedebit eternam'. Et ideo ego (c) qui supra Lamber|tus presbiter et cimiliarcha dare et offere videor eclesie vel canonice Sancti Vincencii, que est mater eclesie ipsius civitatis [Bergo]mense, | id sunt cunctis casis, castris, turris et omnibus rebus terretoriis illis iuris mei quibus abere viso sum in loco et fundo Palusco, tam in|fra eodem castro quamque et foris, in circuitu ipso vico Palusco, nominatis locis Malago, Gotetingo (d), Adrevigo, Casenago, Casenahello, Auliu|no, Mezane, Casale, Muridella, in Gagitto et in eorum terretoriis vel vocabulis locis meo ture pertinentibus in integrum, ut dictum est suprascriptis | rebus terretoriis, tam casis infra castro seu turris atque foris castro quam aliis edifìciis, areis, curtesiciis, ortis, clausuris, vineis, campis et | pratis seu silvis ceretis et roboretis hac stelareis, arboribus fructiferis et infructiferis, cultis et incultis, divisis et indivisis, | pascuis et communaliis et usibus aquarum aquarumque ductibus vel decursibus, omnia et ex omnibus meo iure ad suprascriptis rebus pertinentibus in | eodem locis et fundis ut supra legitur in integrum; et sunt rebus terretoriis ipsis areis suorum, tam infra castro quam et foris, estra pasculum et com|munalia, totis simul per iustam mensuram iugias legitimas centum. Et si amplius de meo iure inventum fuerit in prenominatis locis sicut | superius legitur in ac cartula offersionis, permaneat a parte predicte canonice Sancti Vincencii iuri, cum superioribus et inferioribus | seu cum finibus (e) et haccessionibus suorum in integrum; eo videlicet ordine, ut ipsis casis, castris, turris et rebus terretoriis suprascripte | eclesie vel canonice Sancti Vincencii dare et offerre videor ut presenti die et ora et usque in perpetuum sint propriis de suprascripta eclesia vel | canonica (f), ita tamen ut ordinariis qualiscumque fuerint qui ibi officiunt (g) fecerint et Deo deservierint abeant frugies et censum | quibus exinde anue Dominus dederit et faciant exinde communiter quicquit voluerint, sine omni mea (h) et heredum hac proeredum meorum atque | personarum episcoporum contradicione, propter anime mee remedium et consolacionem, quia omnia sic est mea bona voluntas. Si quis | vero quod futurum esse non credo, si ego qui supra Lambertus presbiter et cimiliarchca (i), quod apsit, aut ullus de eredibus hac proeredibus meis seu | quislibet ulla opposita vel subrogata persona (j) contra anc cartulam offersionis ire aut eam inrumpere connaverimus, tunc | inferamus vobis multa quod est pena auro obtimo uncias octo et argenti ponderas duodecim, et insuper quod repetierimus vin|dicare non valeamus, set presens anc cartulam offersionis dioturtis temporibus firma et inconvulxa permaneat, cum stipulacione | sunnixa. Et ha (k) bergamena cum acramentario et penna de terra levavi et Garibaldi not(arius) et iudex tradi ad scribendum et eam scri|bere rogavi, in qua subter confirmans testibusque obtulit roborandam; et si mihi qui supra Lamberti presbiteri propter (l) onorem sacerdocii | mei lex Romana aliquit impedit, et nec liceat me amodo ullo tempore nolle quod semel volui, set quod a me ic semel fac|tum vel conscriptum est inviolabiliter conservare promitto cum stipulacione sunnixa. Actum suprascripta civitate Bergamo.
+ Lambertus presbiter et cimiarca (m) a me facto subscripsi.
Signum # manibus Iohanni et item Iohanni seu item Iohanni atque Petri legem viventes Saliham testes.
Signum # manibus Giselberti et Georrii legem viventes Romana testes.
Signum # manibus Anselberti et Lanfranci seu Giselberti testes.
(ST) Ego qui supra (n) Garibaldus notarius et iudex scripsi, post traditum (o) complevi et dedi.

(a) Così A.
(b) Così A per ex suis
(c) Su -go (con -g- corretta su altra lettera) segno abbreviativo superfluo.
(d) Gotetingo nell'interlineo.
(e) Segue seu cu(m) finib(us) ripetuto.
(f) A canica
(g) Così A.
(h) Segue q(ui) s(upra) eraso.
(i) Così A, con -h- corretta su altra lettera.
(j) -ona su rasura.
(k) Così A.
(l) La seconda -p- corretta da b
(m) Così A.
(n) Ego q(ui) s(upra) nell'interlineo.
(o) -itu(m) su rasura.

Edizione a cura di Marco Vendittelli
Codifica a cura di Gianmarco De Angelis