Codice diplomatico della Lombardia medievale
(secoli VIII - XII)

Anno ab incarnatione domini nostri Iesu Christi 1159, de mense decembris, indictione octava. Presentia bonorum hominum quorum nomina subter leguntur (a), per lignum et cartam que Albertus qui dicitur Garivone in sua tenebat manu, fecit finem et refutationem domino Ioanni, presbitero ecclesie Sancti Blasii, nomine ipsius ecclesie, nominative de sedimine uno quod est tabule tres, quod iacet in Laude in carobio ubi dicitur ad Quinque Vias, et de tota alia terra unde ipse Albertus placitabatur et causabatur prefatam ecclesiam et vicinos ipsius ecclesie, quod sedimen verum dicebat ibi habere et per parabolam (b) consulum comparasse, ita v(idelicet) quod nec ipse Albertus vel eius heredes nec eorum sumessa persona habeant ab hodie in antea licentiam vel potestatem agendi vel causandi aut placitum fatigandi de suprascripto sedimine et terra vel in parte vel in totum contra suprascriptum presbiterum vel eius successorem nec contra quibus predicta ecclesia dederit, tamen omni tempore taciti et contenti in hoc fine esse et permanere. Insuper et promisit suprascriptus Albertus suprascripto presbitero ut si umquam in aliquo tempore ipse vel successores per se vel per eorum suppositam personam amplius de suprascripta terra in parte vel in totum agere vel causare presupserint contra prefatam ecclesiam Sancti Blasii, idem esse quem aliquis a parte ecclesie dederit et omni tempore inde taciti et contenti non permanserint aut si apparuerit ullum datum aut factum quodlibet scriptum quod ipsi in aliam partem fecissent et claruerit, quod componere exinde deberet in duplum hec unde agere vel causari presumpserint aut quod defendere non potuerit; et insuper taciti et contenti de hoc fine esse et permanere deberent. Ibidemque investivit suprascriptus Albertus suprascriptum presbiterum nomine ecclesie, que ecclesia Sancti Blasii debet --- et edificari in predicto sedimine et terra per episcopum de Laude --- ratione --- quod ipse Albertus habebat in suprascriptis sedimine et terra unde --- in ius et in suum locum ipsum presbiterum posuit. Promisit suprascriptus Albertus et guadiam dedit suprascripto presbitero quod defendet et (c) dispiliabit ei suprascriptum sedimen quod erat suum ab omni homine cum usu et ratione et specialiter ab uxore sua et filiis suis et creditoribus, si apparuerint, in penam dupli, excepto a consulibus Laude et ab illis quorum fuit terra priusquam civitas foret facta, et posuit ei fideiussorem Aferum de Overgnaga, qui obligavit se ipsi presbitero vice ecclesie pro generali defensione usque ad quinque annos pro speciali securitate in perpetuum. Et pro hac fine et datione dedit ipse presbiter Ioannes, nomine ecclesie, predicto Alberto solidos 28 denariorum veterum ut hec carta finis firma permaneat et incolvulsa cum stipulatione subnixa ---. Quia sic inter eos stetit et convenit. Facere ---. Actum infra casam suprascripti episcopi de Laude, feliciter (d). Signum + manus suprascripti Alberti, qui hanc cartam finis et refutationis fieri fecit et assertum pretium accepit ---. Signum + + manuum Prevede de Vignate atque Ugetto et Prevede Spazamense (e) seu Lanfranci Morbii, testium. Ego Rafius, iudex et nuncius domini Federici imperatoris, hanc cartam finis et refutationis scripsi et tradidi.

(a) subscribentur in B.
(b) Segue et in B.
(c) defendat ut in B.
(d) perb o prob in B.
(e) Spazanise in B.

Edizione a cura di Ada Grossi
Codifica a cura di Ada Grossi