Codice diplomatico della Lombardia medievale
(secoli VIII - XII)

Anno dominice incar(nacionis) milleximo centesimo nonag(esim)o nono, nono die mensis decembris, indic(ione) tertia. Cessit et per omnia in suum locum posuit Zanonus qui dicitur Liprandi de loco Vigonzono Rogerium qui dicitur de Anrici de civitate Mediolani nominative de his omnibus rebus territoriis propriis seu libellariis, campis, pratis, zerbis, buschis et sediminibus cultis et incultis, iacentibus in loco et territorio de Vigonzono, per omnia sicut hic inferius legitur et continetur: prima petia est buscus et dicitur in Redondello, pertice quatuordecum et tabule decem et dimidia, a mane Azonis Fantis, a meridie eiusdem Rogerii de Anricis, a sero Oliverii de Pusterla, a monte parzonaria est eiusdem Oliverii; secunda petia est campus et dicitur in Prato Lago, pertice quindecim, a mane Oliverii de Pusterla, a meridie fossatum, a monte Azonis Fantis et in parte Oldradi de Baxilicapetri; tertia petia est campus et dicitur in Sablono, pertice quinque et tabule decem et septem et dimidia, a mane via, a meridie et a monte Azonis Fantis, a sero Rogerii de Anricis; quarta petia est campus et dicitur ad Cesas Sancti Martini, pertice tres et tabula una et dimidia, a mane et a monte via, a meridie Azonis Fantis, a sero Petri Macchi; quinta petia est campus et dicitur in Stefanella, pertice septem et tabule quindecim et dimidia, a mane eiusdem terre, a meridie Rogerii de Anricis, a sero Girii de Porcaria, a monte Petri Macchi; sexta petia est ibi insimul tenens cum suprascripto campo, pertice octo et tabule sedecim, a mane eiusdem Rogerii et in parte Oliverii de Pusterla, a meridie Azonis Fantis, a sero suprascripti Rogerii et eiusdem terre, a monte Petri Macchi; septima petia est campus et dicitur in Sallarialo, pertice semptem et tabule tredecim, a mane Iordani Guifredi, ab aliis partibus Azonis Fantis; octava est campus et dicitur similiter in Stefanella, pertice due et tabule duodecim, a mane via, a meridie Petri Macchi, a sero suprascripti Oliverii, a monte Iordani Guifredi; nonus campus dicitur in Sablono, pertice due et tabule undecim et dimidia, a mane et a meridie suprascripti Rogerii de Anricis, a sero via, a monte Oldradi de Baxilicapetri; decimus campus dicitur in Braida de Anzib(er)ro, pertice septem et tabula una et dimidia, cum cocca, a mane Sancti Iuliani, a meridie Sancti Ambrossii, a sero eiusdem Rogerii, a monte Dominici Rignioli; undecima petia est pertice octo et tabule quatuor et dimidia a sero parte de campo uno et dicitur in Prato Lago et prefatus Zanonus reservat in se pertic(as) septem et tab(ulas) quatuor et di(midi)am de eodem campo (a) a mane parte, coheret ad supertotum a mane parzonaria, silicet Oliverii de Pusterla, a meridie fossatum, a sero suprascripti Oliverii, a monte suprascripti Oldradi; duodecima est similiter campus et buscus insimul tenens et dicitur in Prato Lago et est pertice quindecim, set de hac petia reservat in se medietatem suprascriptus Zanonus versus monte et illa medietas Rogerii est versus mer(idiem), ad supertotum est a mane Oliverii de Pusterla silicet parzonaria, a meridie fossatum, a sero suprascripti Oliverii, a monte Azonis Fantis; tertia decima est buscus et dicitur in Prato Lago, pertice triginta quinque et tabule quattuor, set de hac reservat in se suprascriptus Zanonus medietatem versus mane et illa medietas Rogerii est versus sero, a mane Oliverii de Pusterla silicet parzonaria, a meridie buscus de Mondina Oldradi de Baxilicapetri, a monte fosatum eiusdem buschi; quartus decimus campus dicitur in Minudello, pertice due, ab omnibus partibus eiusdem Rogerii de Anricis; quintus decimus campus item in Minudello, pertice due, a mane Azonis Fantis, ab aliis partibus eiusdem Rogerii; sextus decimus campus dicitur similiter in Minudello, pertica una, ab omnibus partibus eiusdem Rogerii; octavus decimus est buscus et dicitur in Via de la Vacca, pertice decem et tabule sedecim et dimidia, set de hac reservat in se suprascriptus Zanonus medietatem a mane parte et illa medietas Rogerii est versus sero, ad supertotum est a mane eiusdem Rogerii, a meridie via communa, a sero Bregongii Amblatoris, a monte Azonis Fantis; nonus decimus campus dicitur in Spinedo (b), pertice tres, a mane Berardi Camore, a meridie Azonis Fantis, a sero Iohannis de Guifredo, a monte Sancti Ambrossii; vigeximus campus dicitur in Clisuriolo, pertice quatuor et tabule decem et novem, a mane Oliverii Bescossi, a meridie eiusdem Rogerii de Anricis, a sero Sancti Ambrosii, a monte Sancti Michaelis; vigexima prima petia est medietas pro indiviso de busco uno et dicitur in Carbonaria, pertice tres et dimidia, ad supertotum est a mane Azonis Fantis, a meridie Oliverii de Pusterla que fuit parzonaria, a sero suprascripti Zanoni, a monte suprascripti Oldradi; vigesima secunda petia est buscus et dicitur post Redondellum, pertice decem et octo et tabule duodecim, set de hac medietas suprascripti Zanoni quam in se reservat versus sero et illa medietas suprascripti Rogerii est versus mane, ad supertotum est a mane Sancti Petri de Laude, a meridie suprascripti Oliverii que fuit parzonaria, a monte Azonis Fantis et Rogerii de Anricis, a sero eiusdem Rogerii; vigexima tertia est buscus et dicitur ad Roncos, pertica una, a mane Sancti Ambrosii, a meridie parzonaria, a sero Sancti Iuliani, a monte Sancti Michaelis; vigexima quarta est campus et dicitur in Clauso Dolzano, pertice quinque et tabule quattuordecim et pedes novem, a mane suprascripti Rogerii, a meridie et a sero via, a monte suprascripti Zanoni; vigexima quinta petia est pratum et dicitur in Spinedo, pertice tres, set de hac reservat suprascriptus Zanonus medietatem versus sero, ad supertotum est a mane suprascripti Rogerii, a meridie via, a sero suprascripti Oliverii que fuit parzonaria, a monte Ottini de Videserto; vigexima sexta petia est pratum et dicitur similiter in Spinedo, pertice quinque et tabule quinque, set de hac reservat ipse Zanonus medietatem in se versus sero, a mane Sancti Iuliani, a meridie Bonacii, a sero Ardengi Machi, a monte eiusdem terre; vigexima septima est pratum et dicitur ad Longoriam, pertice septem minua tabula una, set de hac habet et reservat in se ipse Zanonus (c) medietatem versus monte, a mane Sancti Ambrosii de supertotum, a meridie Sancti Iuliani, a sero Iohannis de Guifredo et Petri Macchi, a monte Oliverii de Pusterla que fuit parzonaria; vigesima octava est campus et dicitur in Spinedo, pertice sex et tabule undecim, set de hac reservat in se medietatem (d) prefatus Zanonus versus mane, ad supertotum est a mane Iohannis de Guifredo, a meridie Petri Macchi et eiusdem terre, a sero Oldradi, a monte Sancti Michaelis; vigexima nona est campus ibi prope insimul tenens, pertice due, a mane Iordani, a meridie Ottini, a sero Ferrarii de Landriano, a monte via; trigeximus campus dicitur similiter in Spinedo, pertice due et tabule quattuor et dimidia, a mane Sancti Petri de Laude, a meridie Iohannis Guifredi, a sero Petri Ferrarii, a monte suprascripti Oldradi; trigexima prima petia est sedimen quod tenet Iohannes Guifredi et dicitur in Cantono de Rodondello, tabule quadraginta tres minus pedes tres, set de hoc reservat in se prefatus Zanonus medietatem versus mane et illa medietas Rogerii est versus sero, ad supertotum est a mane et a monte fossatum Vixinore, a meridie Azonis Fantis, a sero via; trigexima secunda petia est similiter sedimen et dicitur ad Portam Vixinore, tabule triginta quinque, set de hoc reservat in se suprascriptus Zanonus medietatem versus meridiem et Rogerius versus mon(tem), alia (e) med(ietas) ad supertotum est a mane via, a meridie eiusdem terre, a sero et a monte fossatum Vixinore; trigesima tertia est similiter medietas pro indiviso unius sediminis et dicitur post Ortori et est ad supertotum tabule viginti una. Que vero omnes prenominate res sicut superius legitur fuerunt ex illis rebus (f) territoriis quas prefatus Zanonus emerat et acquissierat a Guilielmo Rubeo qui dicitur de Pusterla, filius quondam item Guilielmi, et quas omnes res emerat ipse Zanonus tam ad partem prefati Rogerii quam ad suam partem, set per divisionem factam postea inter ipsum Zanonum et suprascriptum Rogerium venerunt prefate res omnes sicut per mensuram et coherentias superius legitur in parte suprascripti Rogerii, ut ipsi ambo dicebant et confitebantur. Item cessit et per omnia in suum locum posuit prefatus Zanonus iam dictum Rogerium de medietate pro indiviso de omni illa decima integralliter quam ipse Zanonus similiter in eodem mercato emerat et aquissierat insimul cum suprascriptis rebus a prenominato Guilielmo, de quibus autem omnibus rebus territoriis et decime integraliter prenominatus Zanonus hodie instrumentum emptionis acceperat a prefato Guilielmo pro pretio librarum quadraginta quinque et solidorum sex et denariorum octo argyenti denariorum bonorum imperial(ium), sicut in quodam publico instrumento (1) a me infrascripto Alberto Spetiario iudice ibi tradito continetur, et de quo toto pretio prefatus Rogerius solvit ibi medietatem suprascripto Guilielmo pro suprascripto Zanono, sicut ipse Zanonus ibi confessus est, pro sua parte predictarum rerum quas ipse Zanonus cessit et dedit suprascripto Rogerio sicut superius legitur, omni exceptione et occasione remota, et que omnes res debent esse liberas ob omni ficto et conditione, salvo tamen iure honoris et districti et conditionum quod et quas habet Azo Fantis super ipsas res, videllicet sicut continetur in quadam notitia (2) ipsius Azonis tantum, eo tenore ut amodo in antea, omni tempore, habere (g) et tenere debeat prefatus Rogerius cum eius heredibus et cui dederit prenominatas res omnes sicut per mensuram et coherentias superius legitur et item medietatem pro indiviso de omni predicta decima et facere exinde debet, cum superioribus et inferioribus seu cum finibus et accessionibus suis et cum omnibus usibus et utilitatibus predictis rebus pertinentibus, libellario nomine sine ficto et conditionibus reddendis, quicquid facere voluerit, sine alicuius persone contradictione, salvo tamen iure honoris et districti et conditionum suprascripti Azonis Fantis quas et quod habet super ipsas res, videllicet sicut continetur in quadam notitia (2) ipsius Azonis tantum. Preterea omne ius omnesque actiones et rationes utiles et directas quod et quas prefatus Zanonus habebat vel ei aliquo iure vel modo pertinebat in prenominatis rebus vel pro ipsis rebus et item in medietate pro indiviso de tota suprascripta decima vel pro ipsa medietate et item adversus Guilielmum prefatum de Pusterla, datorem suum, et adversus Guizardum de Pusterla, qui fideiusserat pro ipso Guilielmo et adversus bona eorum pro evictione seu defensione predictarum rerum, per omnia cessit et dedit suprascripto Regerio et in suum locum eum possuit ita ut eodem modo obligati sint et teneantur eidem Rogerio pro defensione predictarum rerum sicut tenebantur et obligati erant prefato Zanono. Insuper promissit et guadiam dedit obligando omnia bona sua pignori prefatus Zanonus eidem Rogerio ita quod amodo in antea, omni tempore, cum eius heredibus defendere et guarentare habet prefatas res omnes sicut per mensuram et coherentias superius legitur in par(te) ipsius Rogerii et medietatem pro indiviso prefate decime eidem Rogerio et eius heredibus et cui dederit ab omni contradicente persona, si pro dato vel facto ipsius Zanoni essent in alia parte date vel inpignate seu alienate tantum et non alio modo. Quia sic inter eos convenit. Actum in civitate Mediol(ani). + + (h) Sign(um) man(us) suprascripti Zanoni, qui hanc cartam ut supra fieri rogavit. Interfuere Crollavillanus qui dicitur Xellus de Canturio, Guilielmus qui dicitur de lo Vultu et Zanebonus Ferrarius de Vigizolo et suprascripti Guizardus et Guilielmus de Pusterla, testes. Ego Albertus qui dicor Spetiarius, iudex ac missus domini F(ederici) imperatoris, tradidi et scripsi.

(a) Segue dilavato a ma
(b) Corretto da Spiendo
(c) Zanus in B.
(d) medietas in B.
(e) aliam in B.
(f) Ripetuto.
(g) Segno abbreviativo superfluo sulla -r-
(h) Il numero dei segni non corrisponde a quello delle persone.

(1) V. n. 228.
(2) Doc. non reperito.

Edizione a cura di Ada Grossi
Codifica a cura di Ada Grossi