Codice diplomatico della Lombardia medievale
(secoli VIII - XII)

(SN) In nomine Domini. Anno dominice incar(nacionis) mill(eximo) cent(eximo) oct(uageximo) nono, tercio die mensis decembris, indic(ione) octava. Confessi fuerunt Martinus Canus et Petrus Lancionus et Ribaldus de Villa | et Petrus Bonizus, castoldus de Lemonti et de Civenna, et insuper iuraverunt ipsi castoldonos et omnes alios de Lemonte et de Civenna ad sancta Dei evangelia salvare et prospicere habent | honorem dominum abatum Sancti Ambr(oxii), ita quod ipsi castoldones habent scodere rebus et fictus et usanciam Sancti Ambr(oxii), a bona fide sine fraude (a); in illis rebus ut supra l(egitur) non habent facere fur|tum nec frodum in rebus Sancti Ambr(oxii) nec de suis vicineis, dispendiis et amisiis quod ipsi fecerint in octiritatem Sancti Ambr(oxii), id (b) est de curiam eius; quod ipsum Martinum et sociis (c) suis habent | taliare supra suis vicineis, a bona fide sine fraude, et dare habent in debitum quod ipsi fecerint de ipsam (d) curiam. Similiter iuraverunt ipsi castoldones de illis placibus (e) quod evene|rit subtus eos dicere habent rectrum per bonam usanciam de terra sicut de una parte co(m) de aliam, a bona fide sine fraude, ita quod ipsi castoldones non scoderent vel requisierit ipsum debi|tum infra annum unum et unum diem vel mostrare per scriptum illum debitum quod remanet ad solvendum non debeant habere (f) plus virtutem et debeant solvere ipsum debitum si non requi|sierit. Similiter iuraverunt omnes illi de Lemonte et de Civenna manere ad preceptum dominum Iohannem, municum Sancti Ambr(oxii), et Guifredum Grassum. Ordinamentum et preceptum est tale: non habent | ferre curtellum vetati nec cortelacium et bordonum et folce longa nec alium guardimentum vettatum nec piu(m)batam sine parabolam dominum abatum vel eius misso in montem | de Lemote et de Civenna et in finitam (g); illi (h) qui deferint ipsos guardimentos ut supra l(egitur) dare habent solidos viginti dominum et solidos quinque vicineiis (i). Similiter preceperunt quod non debeant laborare nullam | terram de nullo homo extra curtem dominum sine parabolam ipsum dominum vel eius misso: ille qui laboraverit sine suam parabolam habet dare dominum solidos centum. Iuraverunt deinc | ad quinque annos. Ecce illi omnes qui iuraverunt: in primis Iohannes Gualdan(n)a, Petrus Sabutus, Vegius de Cossio, Marchexius Vidarius, Guilielmus de Supracasse (j), Petrus nepos eius, Petrus de Vedrora, | Castelanus de Pin(n)ono, Omniabe(n)nus et Iohannes et Ambr(oxius) fratres, Ambr(oxius) Tiberius, Beliincasse fratres (e) eius, Buzus de Valle, Marchexius fratres (e) eius, Guilielmus nepos eius, Albertinus fratres (e) ipsius Guilielmi, Ambr(oxius)| de Stella, Anselmus fratres (e) eius, Iohannes de Subtuscasse, Iohannes Bigorellus, Martinus de Giasse, Ardericus fratres (e) eius, Ambr(oxius) de Giasse, Iohannes Avancius, Iohannes genero eius, Martinus Pigironus, Micharinus de No|ga, Amizus de Noga, Andreas de Carubio, Iohannes Rubeus, Brugnionus filius eius, Iohannes Cottefredi, Guitardus de Porta et filius eius, Beltramus de Pisina, Petrus de Canova, Ottus Badille, | Desco(n)tius fratres (e) eius, Martinus Leizonus, Petrus Prevede, Marchexius de Cossio, Bovus de Cossio, Attus Mussav(e)ro, Madius de Villa.
Quia sic inter eos convenerunt (k). Actum in curia (l) de Civena et de Lemonte.
Interfuerunt testes Gira(m)mus Mazola et Martinus de Lierno (m) et Belotinus de Capiano.
(SN) EGO Pasalagua de Vicomercato, notarius do(m)ni F(rederici) imperatoris, tradidi et scripsi.

(a) -a- corretta da e
(b) Corretto su precedente scrittura dilavata.
(c) -o- corretta da lettera precedente.
(d) Corretto da ipsi
(e) Così A.
(f) h- nel sopralineo.
(g) in finitam nel sopralineo.
(h) Corretto da ille
(i) Corretto su precedente scrittura dilavata.
(j) Supra- corretto da precedente scrittura dilavata.
(k) converunt in A.
(l) ccuria in A.
(m) -e- corretta da o

Edizione a cura di Ada Grossi
Codifica a cura di Ada Grossi