Codice diplomatico della Lombardia medievale
(secoli VIII - XII)

(ST) Anno ab incarnacione domini nostri Iesu Christi millesimo centesimo quadragesimo octavo, mense madii, indicione undecima. Constat nos Guidonem (a) filium | quondam Ottonis de loco Morxioli atque Elenam iugalem, qui professi sumus lege vivere Longobardorum, consenciente mihi qui supra Elene suprascripto Guidone viro | et mundoaldo meo ac subter confirmante et, ut lex habet auctoritatem, una cum noticia Viviani genitoris mei atque Lafranci germani, in quorum pre|sentia et testium certam facio professionem et manifestacionem quod ab ipso iugali meo nec ab alio homine patior (b), nisi mea bona et spontanea voluntate hanc | cartam vendicionis facere insimul cum predicto viro meo (c) visa sum, accepisse, sicuti et in presentia testium manifesti sumus quod accepimus, a te La|franco clerico ex ordine ecclesie Sancti Victoris de Varisio et filio quondam Henrici Garzolani de Vellate argenti denariorum bonorum Mediolanensium libras sedecim fini|to pretio, sicut inter nos convenimus, pro omnibus universis casis et rebus territoriis illis iuris nostri, que reguntur et laborantur per Ugonem et germanos qui dicun|tur Capelli de Casarego, et est fictum modia quinque et sestarios quattuor siliginis et panici et staria quinque frumenti et solidi quattuor denariorum | et amexere .I. et medietatem de vino (d); et ipsa terra est in suprascripto Casarego atque in eius territorio in integrum, et etiam ubicumque de ipsa terra invenitur ad illud fictum pertinenti in integrum, hee | sunt case cum curtibus et tectis, ortis, clausuris, pumiferis, campis, pratis, pascuis, vineis et silvis ac stellareis cum areis earum, coltis, incoltis, divisis et | indivisis, una cum finibus, terminis, accessionibus, usibus, comunanciis, viganalibus, omnia et in (e) omnibus in integrum pro suprascripto pretio tua maneat potestate. Quam | autem venditam superius dictam cum superioribus et inferioribus seu cum finibus et accessionibus suis in integrum ab hac die tibi Lafranco emptori nostro pro suprascripto pretio vendi|mus, tradimus et mancipamus, ut facias exinde a presenti die tu et cui tu dederis vel habere institueris vestrique (f) heredes iuris proprietarii nomine quicquid volu|eritis sine omni nostra et nostrorum heredum contradicione. Quidem et spondemus atque promittimus nos qui supra venditores una cum nostris heredibus tibi qui supra Lafranco et cui tu | dederis vestrisque heredibus suprascriptam venditam qualiter superius legitur ab omni homine defensare. Quod si defendere non potuerimus aut si contra hanc cartam vendicionis | per quodvis ingenium aliquid agere aut causari quesierimus, in duplum suprascriptam venditam vobis restituamus, sicut pro tempore fuerit meliorata aut valuerit sub | estimacione in consimilibus locis. Quia sic inter nos convenimus. Actum suprascripto Morxiolo.
Signum + + manuum suprascriptorum venditorum qui hanc cartam vendicionis ut supra fieri rogaverunt, et iamdictus Guido predicte iugali in omnibus consensit ut supra.
Signum + + manuum suprascriptorum parentum qui iamdictam Elenam interrogaverunt et ad confirmandum in hanc cartam manum posuerunt.
Signum + + + + + (g) manuum Algerii et Alberti germanorum ipsius Guidonis, et item Algerii et Philipi seu Viviani et Guidonis atque Guilielmi, testium.
(ST) Ego Fuscus iudex et missus domini secundi Cunradi regis scripsi, post traditam complevi et dedi. Ibi statim, in presentia suprascriptorum testium, dedit gua|diam suprascriptus Guido predicto Lafranco de guarentare suprascriptam venditam ab hinc ad annos quinque, et inde posuit fideiussorem Algerium germanum suum | in pena dupli.

(a) donem su rasura.
(b) Si sottintenda violentiam.
(c) Segue rasura per lo spazio di tre lettere.
(d) Da et medietatem in interlineo.
(e) in in interlineo.
(f) r corretta su l in parte erasa.
(g) Il numero delle croci non corrisponde a quello delle persone citate.

Edizione a cura di Luisa Zagni
Codifica a cura di Patrizia Merati