Codice diplomatico della Lombardia medievale
(secoli VIII - XII)

(SN) Die dominico qui est de mense nove(m)bris, idest tercio decimo kal(endas) dece(m)bris. In civitate Brixia, infra | monasterium Sanctæ Iuliæ. Presencia bonorum hominum quorum nomina subter l(eguntur), per lignum quod in sua tene|bat manu do(m)na Richelda, Dei gr(ati)a abbatissa s(upra)s(crip)ti monasterii, investivit Rogerium qui dicitur de Rauba|sacco de tabul(is) duabus de terra ad ædifficandum cum area eius, quæ (a) iacent in broilo, iuris predicti | monasterii, prope æcclesiam Sancti Syri, in æadem civitate; coheret ipsis tabul(is): a mane et a monte sibi | reservavit, a meridie rivus et via publica (b), a ser(a)Arduinus; perpetualiter ad fictum exinde | reddendum in omni anno in festo sancti Martini, vel infra octo dies antea aut infra octo dies postea, ar|genti denarios bonos Mediolanensis monetæ pro unaquaque tabula sex, idest in supertotum duodecim; eo vi|delicet ordine, qualiter hic subter continuerit, ita ut a presenti die et hora in antea s(upra)s(crip)tus Rogerius et sui heredes | masculi et feminæ, quicu(m)que vel qualescu(m)que eis successerint, perpetualiter habeant et teneant s(upra)s(crip)tas tabulas duas de terra | sibi designatas cum ingressibus suis ut conventum est inter eos, et faciant exinde quicquid sua fuerit utilitas, sine s(upra)s(crip)tæ | do(m)næ abbatissæ vel suarum successatricum aut personæ ab eis submissæ contradictione, excepta vendicio|ne; exinde ita ut si evenerit quod (c) s(upra)s(crip)tus Rogerius vel sui heredes eam terram cum ædifficio quod superi(n)positum fuerit vendere | voluerint, pro sex denariis ad minus sine mala occasione quam (d) alii homini pro unaquaque tabula vendicionis debent | eam dare predictæ abbatissæ vel suis successatricibus, si eam voluerint; si vero ita emere noluerint, habeant exinde | denarios sex similiter per tabulam et firment datum alii, et sic s(upra)s(crip)tus Rogerius vel sui heredes possint eam | alii suo pari tantum cui voluerint cum suo iure dare; maiori vero homini vel alii æcclesiæ aut alicui servo | eam non vendere, pendere (e) nec dare possint. Datum et consignatum debet esse s(upra)s(crip)tum fictum perpetualiter in omni anno in | s(upra)s(crip)to termino per s(upra)s(crip)tum (f) Rogerium vel per suos heredes aut cui ipsi dederint, ut superius l(egitur), vel per suum missum parti predicti | monasterii vel suo misso sine mala occasione; alia superi(n)posita exinde inter eos non fiat. Pænam vero inter se posu|erunt ut quisquis eorum vel suorum heredum (g) aut successatricum se de hoc pacto et hac conventione distulerint et non observaverint | qualiter superius l(egitur), tunc co(m)ponat pars illa quæ in culpam ex hoc ceciderit parti fidem servanti, nomine pænæ, s(upra)s(crip)tum | fictum in duplum eiusdem anni in quo contra hoc factum fuerit; et ætiam post pænam co(m)positam hoc breve in sua per|maneat firmitate. Unde duo brevia in uno tenore scribi rogata sunt. Factum est hoc predicto die mensis, | anno ab incar(nacione) d(omi)ni nostri Iesu Christi millesimo centesimo quadragesimo quarto, indic(ione) septima.
Interfuerunt Arduinus qui dicitur de Burnado et Benno qui dicitur de Gaido et Ioh(ann)es Ferarius et Brixianus qui dicitur de Ameza et | Otto qui dicitur da la Teza testes.
(SN) Ego ALBERTUS NOTARIUS ac legisperitus rogatus hoc breve scripsi.

(a) Tratto obliquo di -a e parte di -e corr. da u, come pare.
(b) A via publica et rivus con segno di richiamo per l'inversione.
(c) -rit q(uo)d su rasura, come pare.
(d) A qa(m).
(e) Così A; p- con l'asta discendente erasa, a causa della rasura della parola nel rigo sottostante, per cui cf. nota seguente.
(f) s(upra)s(crip)tu(m) su rasura.
(g) heredum nell'interlineo, con inchiostro più scuro.

Edizione a cura di Irene Rapisarda, Gianmarco Cossandi
Codifica a cura di Gianmarco Cossandi