Codice diplomatico della Lombardia medievale
(secoli VIII - XII)

(SN) In Christi nomine. Die veneris .XII. exeunte februario. In ecclesia Sanctorum Martyrum Cosme et Damiani de civitate Brixie. In presentia | Gaimarini filii quondam Richelboni de Porta, Apriletti de Salodo et Iohannis Gastoldi de Ello, testium rogatorum, presentibus etiam | d(omi)na Aimelina, d(omi)na Ysabella de Carzia, d(omi)na Romagna de Muro et d(omi)na Gisla de Sal(is), monachabus mona|sterii predictorum Sanctorum Martyrum, et consentientibus, d(omi)na Cecilia, abbatissa eiusdem monasterii, cum ligno quod sua tenebat manu, | una cum Iohanne Beltroppi, qui sua vice et vice d(omi)narum ecclesie Sancti Symonis quarum procurator in hoc negotio (a) erat, ut asserebat, simul atque | cum d(omi)no Anselmo et Ranzerio eius nepote, qui suo nomine et nomine Lafranci fratris sui hoc fatiebat, et qui omnes ad predictum | lignum manus tenebant, co(mun)iter investiver(unt)Petrum fratrem Raske de Salodo, nominatim de tribus petiis terre cum olivis et | aliis arboribus super habente (b) iuris predictorum locatorum, que iacent in pertinentia et teritorio Salodi. Prima in vivero in loco | Orii, cui coheret: a mane prefati Petri conductoris et filiorum Ficie de Orio, a meridie eorundem filiorum Ficie, a monte filiorum Ugo|num de Brixia, a sero Fuchazie de Salodo. Secunda ibi prope, ubi dicitur Soriathecha, cui: a mane filiorum Girardi de Martra, | a meridie filiorum Ficie de Orio, a sero prefati conductoris, a monte filiorum Ugonum. Tercia sup(ra)Muzinachum iacet, cui (c): a mane | filiorum Ficie de Orio, a meridie et sero via, a monte filiorum Ugonum. Eo pacto et tenore fecer(unt) suprascriptam investituram quod | suprascriptus Petrus et heredes eius, vel cui dederint seu habere statuerint, in perpetuum suprascriptas petias terre habeant et teneant et ex eis | quicquid sibi oportunum fuerit sine aliqua contradic(tione) secundum usum terre fatiant, solvendo omni anno in epyphania Domini vel | in octava ex eis nomine ficti, et consignando in prefato loco Salodi, tres bacetas boni et pulchri olei sine fraude ad rectam | bacetam illius loci per se, vel suos heredes, vel suum certum missum, suprascriptis locatoribus, vel e[orum] h[er]edibus seu succetricibus, | sive certo misso illorum. Quo ficto soluto et consignato, nil aliud superp[onatur] pre[fato] conductori vel eius heredibus, | preter si idem conductor vel eius heredes ius suum emphyteoticum quandoque vend[er]e voluerint, prius appellent prefatos lo|catores, vel eorum heredes seu succetrices, et eis minus ad .XII. i(m)periales vendant quam alteri de vero p[recio], si emere [vo]luerint, | alioquin vendant cui voluerint, detractis ecclesia, servo vel potentibus, dando .XII. imp(erialium) locatoribus servitium pro investi|tura e(m)ptori fatienda et alio br(evi) consimilis tenoris rogando, penam statuer(unt) inter se et ad invicem promiserunt ut | si qua de partibus hoc pactum non servaverit et contra venire te(m)ptaverit, co(m)ponat ei qui ratum tenuerit prefatum fictum | nomine pene in duplum, rato stante pacto. Preterea suprascripti locatores, per se et suos heredes ac succetrices, promi|serunt ex stipulatu iamdicto conductori et eius heredibus proprietatem prefate terre ab omni persona contradicente sub pena | dupli defendere et warentare. Unde plures carte sub uno tenore scribi sunt rogate. Actum est hoc | anno Domini mill(esimo) cent(esimo) nonag(esimo) quinto, indic(tione) .XIII.
[Ego][Robertus notarius] interfui [et rogatus] scripsi (d).

(a) A om. negotio
(b) Così A.
(c) Si sottintenda coheret qui e nel caso successivo.
(d) Lo spazio occupato dalle lettere cadute non permette di integrare tutte le parole impiegate nelle altre sottoscrizioni presenti nella stessa pergamena.

Edizione a cura di Patrizia Merati
Codifica a cura di Patrizia Merati