Codice diplomatico della Lombardia medievale
(secoli VIII - XII)

(SN) Anno ab incarnatione domini nostri Iesu Christi mill(esim)o cent(esimo) sept(uagesimo) quinto, mense augusti, indicione octava. In Christi nomine. Placuit | atque convenit inter dominum Albericum, Dei gr(ati)a Laudensem episcopum, nec non et inter Lafrancum qui dicitur Litigardi de loco Castelione | ut in Dei nomine debeat dare sicut a presenti dedit ipse dominus episcopus, a parte sui episcopatus, eidem Lafranco ad habendum et te|nendum seu fictum censum reddendum, libellario nomine usque in perpetuum, videlicet perticas viginti plus minusve que iacent in teritorio | de Castelione in cuntrada ubi dicitur ----------, est ei a mane ---------, a meridie ----------, a sar(o)(a) ----------, a monte --|------------, sic ibique alie sunt coherentie, ea ratione uti amodo in antea suprascriptus Lanfrancus et sui heredes et cui ipsi dederint habere et te|nere debeant suprascriptam terram, una cum accessionibus et ingressionibus seu cum superioribus et inferioribus suis qualiter superius l(egitur) inintegrum, et facere | in ea de frugibus et redditibus seu censibus quos exinde annue Dominus dederit, libellario (b) nomine, quicquid eis fuerit oportunum, sine contraditio|ne suprascripti domini episcopi eiusque successoris, et persolvere exinde debeat singulis annis pro unaquaque pertica starium unum de mistura, medietatem siligi|nis et medietatem milii, solvendo siliginem in sancto Laurentio et milium in sancto Michaele, bellam et bonam, sine fraude, in estimo duorum hominum, mensura|tam ad rectum starium civitatis Laude, tractam et cosignatam (a) in civitate Laude ad suprascriptum episcopatum. Et convenit inter eos si suprascriptus Lanfrancus te|nuerit suprascriptum fictum ultra octo dies post festum sancti Michaelis tramsactum, quod liceat tunc suprascripto domino difictuare suprascriptam terram sine calu(m)nia; item convenit | inter eos si aliqua ipsarum partium voluerit vendere illud ius quod eis pertinet in suprascripta terra (c), quod altera possit tunc emere pro duodecim denariis veteribus minus quam alius homo; | et convenit inter eos si suprascriptus Lanfrancus voluerit vendere illud ius quod ei pertinet in suprascripta terra, suprascripto domino episcopo nolente emere, possit vendere cui voluerit | de villanis tantum suprascripti domini episcopi qui stant in loco Castilione et non alii, ita quod suprascriptum fictum non dividatur, et suprascriptus dominus episcopus debeat tunc habere ab emptore | denarios duodecim (d) suprascripte monete pro investitura et confirmatione libelli (e); item convenit inter eos si suprascriptus Lanfrancus plataverit (a) vites | in suprascripta terra, quod debet trahere uvas de suprascriptis vineis ad torcular suprascripti episcopatus et torculare ibi et dare ei torculatum secundum more ipsius loci. Alia | superimposita inter eos non fiant. Unde duo libelli in uno tenore traditi sunt. Quia sic inter eos stetit et convenit. Actum est hoc in civitate Laude.
Sign(a) ++ man(uum) suprascriptorum domini Alberici episcopi et Lanfranci, qui hunc libellum rogaverunt fieri ut supra. Sign(a) ++ man(uum)Alamanni de loco | Castilione et Arialdi, qui manet cum episcopo, rogati testes.
(SN) Ego Bellinus scriptor, iussu domini Petri notarii, hunc libellum scripsi.

(a) Così A.
(b) -e- corretta da l
(c) in - terra aggiunto nel sopralineo con segno di richiamo.
(d) Segue espunta p
(e) Segue alia superimposita cassato mediante sottolineatura.

Edizione a cura di Ada Grossi
Codifica a cura di Ada Grossi