Codice diplomatico della Lombardia medievale
(secoli VIII - XII)

(SN) Anno ab incarnatione domini nostri Iesu Christi [mi]ll(esimo) centesimo septuagesimo sexto, die marcurii (a) undecima kal(endas) madii, indicione [no]na. Cum lis esset ante Ugonem et [[.....]] et Otonem Dulzani et Ol|dradum Mondalino et Guidottum Malberti, consules urbis Laude, inter dominum Albericum, Dei gratia Laudensem episcopum, et inter Guiscardum de Cuzego, que lis talis erat: pe[te]bat siquidem seu dicebat predi|ctus episcopus quod debebat habere viam per pratum et buscum ipsius Guiscardi et Monachi et Pigozi et Petrazi de Cuzego, quod pratum et buscum iacet in territorio Castellione et quod suprascripti de Cuzego tenent per feudum ab | episcopatu vel ab eo episcopo et quod dedit eis per feudum quondam bone memorie dominus Albertus episcopus, sicut in instrumento (1) publico episcopatus continebatur, dicens episcopatum debere habere predictam viam per predictum pratum et buscum seu |Gambarum de Cuzego et eius homines ad buscum quod (b) ibi prope habet ipse Gambarus, quod predictus dominus episcopus eidem Gambaro (c), scilicet dominus Albericus episcopus, concessit in feudum, dicendo quod predictus episcopus Albertus, | quando concessit vel in feudum dedit predictum pratum et buscum eis Guiscardo et Carnevali et Monacho vel Pigozio, quod in se per illud pratum et buscum viam reservavit, ut quandocumque conventionem fa[c]eret cum | eodem Gambaro ei Gambaro viam predictam concederet per predictum pratum et buscum predicti Guiscardi et Petrazi et fratris (d) eius et Monachi et Pigozi ad illam terram vel buscum ----- quam ei idem episcopus eidem | Gambaro concederet vel daret et sunt tres petie, una de prato et due de busco, ille petie quas dominus Albertus episcopus eis concessit et sunt iugera septem de busco in duabus petiis et petia una | de prato iuxta ipsum buscum: prima petia de busco est in Ysella, secunda petia de busco est ibi prope pratum episcopi intermedium et dicitur ad Paule, tertia petia scilicet pratum est prope Ysellam | et videtur esse pertice sex et sunt suprascripte tres petie due de busco et una de prato versus Senedogum. Et ita dominus episcopus dicebat debere habere predictam viam se seu Gambarum suprascriptum et eius | homines quandocumque dominus ei Gambaro eam viam concederet vel concedere vellet ad eam terram vel buscum quam eidem Gambaro idem (e) dominus episcopus concessit, que omnia predictus Guiscardus utique | negabat omnino. Unde predictus dominus episcopus Albericus instrumentum (1) et testes produxit, in quo instrumento continebatur episcopum Albertum quando suprascriptas tres petias, duas de busco et unam de prato, suprascriptis de | Cuzego concessit, predictam viam per predictum (f) pratum sibi reservavit, ut si Gambarus faceret concordiam cum episcopatu quod ipse Gambarus haberet viam per predictum pratum quod eis concessum erat | usque ad illam terram quam ei concedet episcopus, sed quia ipse Guiscardus allegabat quod predictus episcopus non reservavit eam (g) viam per buscum vel per illas duas petias de busco que eis con|cesse fuerant, produxit ideo predictus dominus episcopus suos testes, scilicet Ugenzonem Brinam et Arialdum Guasco, qui ambo iurato testificati (h) sunt quod predictus episcopus Albertus quando predictas | tres petias, duas de busco et unam de prato, iam dictis Guiscardo et aliis concessit quod in se per eas tres petias viam reservavit, scilicet duas de busco et unam de prato, ut quando concor|diam faceret cum predicto Gambaro ut ipse Gambarus viam haberet et habere posset per predictas petias, duas de busco et unam de prato, ad eam terram quam ibidem episcopatus eidem Gambaro con|cederet. Item dicebat predictus episcopus quod via publica erat et esse solebat per suprascriptas tres petias, duas scilicet de busco et unam de prato, quod ipse Guiscardus negabat, unde dominus episcopus testes produxit. | Visis autem rationibus utriusque partis et allegationibus auditis, multis datis dillationibus, predictus Otto, in concordia et presentia predictorum consulum, iudicavit ut exinde predictus Guiscardus non | inpediat predictum episcopum seu Gambarum vel eius Gambari homines uti ea via suprascripta per suprascriptas tres petias, duas de busco et unam de prato, suprascripti Guiscardi vel Petrazi vel Monachi et Pigozi ad eam | terram vel buscum quam ibidem prope habet predictus Gambarus, sed eos episcopum et Gambarum et eius Gambari homines quiete ea via per suprascriptas tres petias uti permittant ad terram eius Gambari quam | episcopus ibi prope eidem Gambaro concessit, ut possint per eam viam ire cum carro et bobus et cum uno homine ex uno lattere (i) carri et cum alio homine ex alio latere eiusdem carri etc., aratro et re|drariis si utile eis fuerit, et quod via predicta stet pilosa. Et ita causa finita est. Actum in urbe Laude, in palatio domini episcopi. | Interfuerunt ibi Ugenzio Brina et presbiter Saccus, archipresbiter de Bariano, et Petrus Russus, canonicus maioris ecclesie, et magister Redulfus et Arialdus de Piezolto et Gualterius Salarius, te[stes rogati].
(SN) Ego Albertus de Gavazo iudex et missus regis Cunradi interfui et hanc noticie car(tam), iussu et per parabolam predictorum consulum, scripsi.

(a) Così A.
(b) Segue quod
(c) Corretto da Gambar(us) mediante aggiunta di o
(d) -i- corretta su a
(e) i- corretta su lettera precedente.
(f) p- corretta su lettera precedente.
(g) e- corretta su lettera precedente.
(h) -a- corretta su lettera precedente.
(i) Segue depennato ed eraso vie

(1) Documento non reperito.

Edizione a cura di Ada Grossi
Codifica a cura di Ada Grossi