87
Carta pignoris
1145 settembre 29, Milano.
Giordano detto Pita, di Milano, e i suoi figli Malgirone e Strametto, avendo quest'ultimo l'autorizzazione di Arderico, giudice e missus del re Corrado II, investono a titolo di pegno Amizone detto Montenari, fratello del suddetto Giordano, e suo figlio Bruxalbergo di tutte le case di abitazione in Milano, vicino alla chiesa di S. Stefano Centenariolo, e di tutti i beni in Villamaggiore e nel suo territorio, tenuti a titolo di proprietà o di livello, con l'obbligo per Giordano e i suoi figli di liberare Amizone e Bruxalbergo da tutte le fideiussioni a loro favore, sino a dodici lire e mezza.
Originale disperso già in ASMi, AD, pergg., cart. 554, n. 76 [A]. Copia del principio del sec. XIX, BNBMi, Mss. Bonomi, AE XV, 20, pp. 242-244, n. 86 [B]. Regesto, ASMi, Catalogo delle pergamene, vol. III, fasc. 54.
Si pubblica B.
Anno dominice incarnationis milleximo centeximo quadrageximo quinto, tercio kalendas octubris, indictione nona. Presentia bonorum hominum, quorum nomina subter leguntur, per lignum et cartam, que suis tenebant manibus, Iordanus qui dicitur Pita, de civitate Mediolani, et Malgironus et Strameto, germani, filii suprascripti Iordani, consentiente suprascripto Iordano eisdem filiis suis Malgirono et Strameto, insuper per licentiam Arderici, iudicis et missi domini secundi Chunradi regis, pro eodem Strameto, investiverunt suprascripti pater et filii, nomine et tenore pignoris, Amizonem qui dicitur Montenari, fratrem suprascripti Iordani, atque Bruxalbergum, filium suprascripti Amizonis, nominative de omnibus casis habitationibus eorum cum areis earum, quantecumque sunt, quod habere visi sunt infra hanc civitatem Mediolani, non multum longe de ecclesia Sancti Stephani Centenariolo; quibus coheret a mane et monte suprascripti Amizonis, a sero via; et similiter de omnibus casis et rebus territoriis illis, propriis vel libellariis, quas ipsi Iordanus et filii eius habere videntur in loco et fundo Vicomaiore et in eius territorio, omnibus et ex omnibus, in integrum, ita quod ipsi Iordanus et Malgironus et Strameto vel eorum heredes aut eorum missi trahere et excutere habent prefatos Amizonem et Bruxalbergum vel eorum heredes de illis fideiussionibus omnibus, que sunt, usque ad libras duodecim et dimidiam, in quibus sunt pro iisdem Iordano et filiis suis. Quod si ipsi Iordanus et Malgironus et Strameto vel eorum heredes se subtraxerint, quod non liberaverint eosdem Amizonem et Bruxalbergum vel eorum heredes de suprascriptis fideiussoriis, sicut superius legitur, tunc suprascriptas res omnes, sicut superius legitur, deveniant et permaneant in potestate suprascriptorum Amizonis et Bruxalbergi et eorum heredum vel cui dederint, faciendum exinde, iure pignoris, quicquid voluerint. Quia sic inter eos convenit. Actum suprascripta civitate Mediolani. Signum +++ manuum suprascriptorum Iordani et Malgironi et Strameti, qui hanc cartam pignoris ut supra fieri rogaverunt, et ipse Iordanus eisdem filiis suis consensit ut supra. Signum +++ manuum Lanfranci qui dicitur de Muzano et Maliabiatici, filii quondam Arderici Garibaldi, testium. Ego Ardericus iudex ac notarius et missus domini secundi Chunradi regis scripsi, post traditum complevi et dedi, et eidem Strameto licentiam dedi, ut supra, et subscripsi.
Edizione a cura di
Anna Maria Rapetti
Codifica a cura di
Gianmarco Cossandi