54
Sententia consulum Mediolani
1177 maggio 27, Milano.
Il giudice Rogerio detto de Sadriano, console di Milano, con il conscilium dei soci Gigalotto de Mairola e Giovanni Iudex, giudice nella causa vertente tra Guidotto, figlio del fu Rostavilla detto de Gisulfis, di Milano, e Arlotto, figlio del fu Guidotto detto Gambarus, anch'egli di Milano, su metà dell'eredità di Girardino, figlio di Arlotto, che Guidotto pretendeva di farsi assegnare, assolve Arlotto dalle pretese di Guidotto.
Originale, ASMi, AD, pergg., cart. 555, n. 122 [A]. Trascrizione del XIX sec. in.: Bonomi 20, p. 441, n. 164. Regesto del XIX sec.: Catalogo, III, fasc. 54.
Nel verso, di mano del notaio, Sententia consulum; della mano X del XIII sec., § Sentencie date occaxione terrarum iacencium in territorio loci de Consonno diversis temporibus, que sunt parvi valoris sed reprovantur pro deffenssione; di altra mano, sententia; segnatura Moroni Y. 63; annotazioni archivistiche del XX secolo a matita; anno e segnatura Bonomi MCLXXVII. 122.
Edizione: MANARESI, Gli atti del comune di Milano, n. 107.
Discreto stato di conservazione, lievi macchie.
(SN) Die veneris sexto kal(endas) iunii, in consulatu Mediol(ani). Sententiam protulit Rogerius iudex qui dicitur de Sadriano, consul Mediolani, conscilio aliorum consulum sociorum suorum, videlicet Gi|galotti de Mairola et Iohannis iudicis, de discordia que erat inter Guidottum, filium quondam Rostaville, qui dicitur de Gisulfis, de civitate Mediolani, et ex altera parte Arlottum, filium quondam Guidotti qui dicebatur | Gambarus, de eadem civitate. Lis talis erat: postulabat predictus Guidottus, per suprascripti patris sui consensum, quatinus Arlottus dimitteret sibi medietatem omnium bonorum que Girardinus, ipsius Arlotti filius, | tempore mortis eius possidebat et que in ipsum Girardinum pervenerunt ex illa donatione quam suprascriptus quondam Guidottus, pater Arlotti, in ipsum Girardinum et alios Arlotti filios contulit, asserens ipsum Arlottum, | una cum Gualterino filio suo, ipsum Girardinum interfecisse, ideoque, ipsis Arlotto et Gualterino a prefati Girardini (a) successione remotis, eius hereditatem sibi utpote filio amite sue et ------- | filie alterius amite devolutam esse. Econtra Arlottus donationem predictam non negabat, ipsam vero medietatem bonorum Girardini ei dimittere recusabat, se Girardinum filium suum interfecisse prorsus in|fitians, ipsa quoque bona se non possidere neque dolo desisse possidere, allegans eo quod cum ipse et Gualterinus, filius eius, monasterio de Claravalle se dedicaverunt, omnia bona que possidebant in | ipsum monasterium contulerunt; amplius dicebat ipsum Guidottum, accipiendo a se domum et equum et libras novem denariorum quas ei dederunt cum ad monasterium bona sua contulerunt, suum iuditium | agnovisse, ideoque eius petitionem suis iuribus debere carere; item ad (b) ipsum Guidottum lege Longobardorum, que ad agnatos magis quam ad filium amite hereditatem decurrere statuit, sepe dictam successio|nem non pertinere aiebat, sibique illos qui dicuntur Gambari, ipsius Girardini agnatos, cum secum de predicta hereditate litem habuissent et ------- alterius amite filiam suum ius et actiones pro ea hereditate sibi compe|tentes cessisse dicebat. Guidottus vero ea lite quam Arlottus cum Gambaris habuit possessorem constitutum ipsum Arlottum fuisse et cum domum et equum et denarios secundum voluntatem Arlotti accepit, | donationem a Guidotto factam se ignorare asseverabat, lege vero Romana qua predicti qui dicuntur Gambari vivunt et que hereditates pariter tam feminis quam maribus defert, predictam hereditatem sibi | competere allegabat. Arlottus vero secundum legem eius qui conqueritur sententiam debere proferri aiebat. His et aliis auditis, predictus Rogerius suprascriptum Arlottum a petitione sepe dicti Guidotti ab|solvit. Et sic finita est causa. Anno dominice incar(nacionis) millesimo centesimo septuagesimo septimo, suprascripto die, indic(ione) decima.
Interfuerunt Guilielmus (c) iudex qui dicitur Cacainarca et Petrus de Marliano et Suzo de Marliano, Arnaldus Mainerius, Arnulfus Bocardus, Guifredus Corbus, Ardericus Fante, Obizo et Nazarius qui dicuntur Gambari, Main|fredus Pagani, Durus Brollia, Ariprandus Murigia, Nazarius de Roziano, Passaguerra iudex, Ardicionus de Cimilliano, Vaccus de Vedano, Girardus de Vineate, Guilielmus Cavedale, Guarnerius Buffa, Rogerius iudex, Crivellus, Durus de Varedeo; de servitoribus Trussavacca de Arengo et Guarengus et Ubertus de Grego.
(SM) Ego Rogerius qui dicor de Sadriano s(ub)s(crips)i et hanc sententiam dedi.
(SM) Ego Ardericus de Bonate iudex s(ub)s(crips)i.
(SM) Ego Heriprandus qui dicor Iudex s(ub)s(crips)i.
(SM) Ego Iohannes causidicus interfui et s(ub)s(crips)i.
(SM) Ego Ugo qui dicor de Castegnianega s(ub)s(crips)i.
(SN) Ego Rogerius Bonafides, iudex ac missus do(m)ni secundi Chunradi regis, scripsi.
(a) Corretto nel sopralineo in luogo di Gualterini depennato.
(b) Aggiunto nel sopralineo con segno di richiamo.
(c) Segue espunto qui dicitur
Edizione a cura di
Ada Grossi
Codifica a cura di
Ada Grossi