Codice diplomatico della Lombardia medievale
(secoli VIII - XII)

(SN) In nomine Domini. Anno dominice incar(nacionis) mill(esimo) cent(esimo) octuag(esimo) octavo, decimo die mensis magii, indic(ione) sesta. Brevis recordationis terre Roberti et Lanfranci qui dicuntur Cumini, civitatis Mediolani, in loco et fundo Vicomaiori et in eius territorio quam consignaverunt eidem Roberto per sacramentum, ex precepto consulum Mediol(ani), Andreas Abuellus et Otto Annane de loco Cosonno: prima petia est campus et dicitur ad Fossatum Altum sive ad Paxelli, pertice due et tabule decem et dimidia, a mane et sero monasterii Carevallis, a meridie via, a monte fossatum altum; secundus campus dicitur ad Vallem de Salice et a (a) Paxelli, pertica una et tabule quatuor et dimidia, a mane Malgironi Pitte (b), a meridie et sero et monte Carevallis; tertius campus dicitur in Vallera, pertica una et tabule due et pedes tres, et est per testam sulci vigintiquatuor, a mane et sero Carevallis, a meridie suprascripti Malgironi, a monte via; quartus campus dicitur ad Clausettum de Cuminis, pertice quinque et tabule due, a mane Carevallis, a meridie Sancte Marie de Cosonno, a sero fossatum comune, a monte via; quintus campus dicitur in Barenzono, pertice due et tabule tres et pedes quatuor, a mane et sero Carevallis, a meridie accessia (c), a monte suprascripti Malgironi; sestus campus dicitur in Vallera, pertice quinque minus tabule due et dimidia, a mane Arialdi Caimmi, a meridie et a monte Carevallis, a sero fossatum; septima petia est pratum et dicitur in Prato Maiori, pertice septem et tabule due, a mane -----, a meridie via, a sero comune loci, a monte suprascripti Arialdi; octava petia est campus et dicitur in Nuxigia, pertica una et dimidia, a mane et a meridie et a sero Carevallis, a monte suprascripti Arialldi (d); nona petia est campus et dicitur in Credario, pertice due minus tabule quatuor, a mane et a sero suprascripti Arialdi, a meridie de eadem terra, a monte via; decima est campus ibi insimul se tenens, pertice due et tabule decem et septem, a mane et a meridie Carevallis, a sero Guilielmi Girengelli, a monte de eaedem (d) terra; undecima est campus et dicitur ad Pirum Gobbum, inter ecclesiam Sancte Marie et sedimen suprascripte terre, pertice quatuor et tabule tres, a mane et a meridie et a monte Carevallis, a sero Carevallis et de Porcazoppis; duodecima fuit sedimen in loco Vicomaiori, pertice tres minus tabule sex, a mane Anselmi Tuxoni, a meridie Carevallis, a sero et monte via; tertia decima est campus et dicitur in Campo Longo, pertice septem et tabule sex, a mane via, a meridie et sero Carevallis, a monte illorum de B(er)nate; quartus decimus est campus et dicitur in Valle de Cruce, pertice due, a monte via de Campo Mortuo, ab aliis partibus Carevallis; quinta decima est campus et dicitur ad Vallem de Lacte, pertice quinque et tabule due cum incisa, a mane suprascripti Arialdi et Sancte Marie, a meridie Carevallis et Sancte Marie, a sero Anselmi Tuxoni et Prinitib(er)gi, a monte Sancti Bartholomei; sesta decima est campus et dicitur ad Valles, pertice sex minus tabule tres, a mane Carevallis, a meridie Sancte Marie, a sero via et fossatum Setezani; septima decima est campus et dicitur in Cercedona, pertice octo et tabule decem et octo, a mane et (e) sero Sancte Marie, a meridie Obizonis de Trivulci, a monte fossatum comunis; decima octava est campus et dicitur in Campo Mortuo, pertice decem et tabule due, a mane ranonum, a meridie et sero Carevallis, a monte suprascripti Arialdi; decima nona dicitur ad Guadum de Nignano, pertice quinque, a sero ranonum, ab aliis partibus Carevallis; vigesima est campus et dicitur in Campo Mortuo, pertice decem et tabule quindecim, undique est Carevallis; vigesima prima est campus et dicitur similiter, pertice due, undique est Carevallis; vigesima secunda est buscum et dicitur ad Lacte, pertice tredecim, a mane et meridie et monte Carevallis; vigesima tertia est campus et dicitur ad Cergiariolum, pertice quatuor et tabule tredecdim et dimidia, a mane via, ab aliis partibus Carevallis; vigesima quarta est campus et dicitur ad Nucem iusta Prata, pertice sex et tabule quatuordecim, a mane Carevallis, a meridie et sero via, a monte de Reclausis; vigesima quinta est buscum et dicitur in Castenedo, pertice vigintiquinque et tabule viginti, undique est Carevallis; vigesima sexta est buscum et pratum insimul (f) et dicitur in Olza, pertice triginta et quinque et tabule decem et septem et dimidia, a mane Carevallis, ab aliis partibus rius; vigesima septima (g) est buscum et dicitur in Pracinasco et potest esse pertice quinque, set nesciunt fines, a mane lamma, a meridie Anselmi Tuxoni, a sero rius, a monte Sancte Marie; vigesima octava est campus et dicitur ad Rovedarium sive ad Stillum, pertice sex et tabule sex, a monte suprascripti Anselmi, ab aliis partibus Carevallis; vigesima nona est pratum et dicitur in Prato Maiori et potest esse pertice quatuor, set fines nesciunt, a mane suprascripti Anselmi, a meridie via, a sero de Porcazoppis, a monte Carevallis; trigesima petia est buscum et dicitur in Vallera, pertice tres potest esse, set non fuit mensuratus quia fines nesciebant, a monte de Porcazoppis, ab aliis partibus Carevallis; trigesima prima est buscum et campus in parte, pertice triginta et una minus tabule sex cum incisa una, a mane buscum de Viquarteo, a meridie Arialdi Caimmi et a sero in parte, a monte Carevallis et dicitur in Vallera post Piscinam Buzanam; trigesima secunda est buscum et campus in parte ibi prope, pertice quatuordecim, a mane buscum de Viquarteo, a meridie Carevallis et in parte de Abuellis, a sero et a monte Carevallis; trigesima tertia petia est buscum et dicitur ad Batibagurdum, pertice sex et tabule quinque, a monte fossatum altum, ab aliis partibus Carevallis; trigesima quarta est pratum et dicitur in Cespedio, pertice due et tabule decem et octo, a sero Anselmi de Aviana, ab aliis partibus Carevallis; trigesima quinta est pratum et dicitur post Castellare, pertice --------, a sero Sancti Nicolai, ab aliis partibus Carevallis; et predicta terra fuit mensurata ad perticam Papiensem et hec scriptura facta est ad memoriam retinendam. Actum in territorio Vicomaioris. Interfuerunt prefati consignatores, Amizottus Tarrusselli, Petrus de Trulio, Protinus Tip(er)gi, Lanfrancus de Brebia, testes. Ego Iohannes Coallia, notarius sacri pal(acii), prefate consignationi et interfui et rogatus scripsi.

(a) Corretta su i
(b) La seconda -t- aggiunta nel sopralineo con segno di richiamo.
(c) -ia corretto da precedente scrittura.
(d) Così B.
(e) Segue espunta a
(f) Aggiunto nel sopralineo con segno di richiamo.
(g) s- corretta su lettera precedente.

Edizione a cura di Ada Grossi
Codifica a cura di Ada Grossi