Capitolo Maggiore
11
Sententia
1141 dicembre 8, luned́, Milano, "ante ecclesiam Sancti Barnabe appostoli".
Bordella console di Milano, insieme ai colleghi Ottone Manzo, Manfredo de Surixina, Amizzone de Modoetia, Stefanardo e Girardo, giudici e consoli, sentenzia nella lite tra la chiesa di S. Bartolomeo detta Intus Boscum, per la quale agisce il preposito Fiorio, e Bonifacio detto de Cairate per un mulino di ragione della chiesa stessa costruito sul fiume Olona presso Lonate.
Originale, ASMi, FR. p. a., cart. 165, cass. 46, N 5, n. 1 [A].
Registro 5, p. 1.
Sul verso, della stessa mano: Sententia consulum.
Edizione: C. MANARESI, Gli atti del comune, p. 12, n. VII.
Regesto: G. BARNI, I molini, in "Arch. St. L.", 1963, p. 70; G. P. BOGNETTI, Studi sulle origini del comune rurale, p. 229, n. 62; T. MARTELLINI, Le pergamene dei capitoli, in "Studi di Storia medioevale e di Diplomatica", 10, 1989, p. 12, n. 9.
Pergamena di mm. 272/260 x 360/410; tracce di rigatura a secco.
(ST) Die lune qui est octavus dies decembris. Ante ecclesiam Sancti Barnabe appostoli.
Breve de sententia quam dedit Bordella consul Mediolanensis in concordia Ottonis Manzo, Mainfredi de Surixina, Amizonis de Modoetia, | Stephanardi et Girardi iudicum, consulum, sotiorum eius, de discordia que erat inter domnum Florem presbiterum ac prepositum ecclesie Sancti Bartholomei que dicitur Intus Boscum et ex altera parte Bonifacium qui dicitur de Cairate. Lis enim talis erat. | Dicebat ipse Bonifacius quod molendinum illud, quod est ipsius ecclesie et est in fluvio Olonne subtus castrum de loco Lonate, est edifficatum supra viganum ipsius loci; quod viganum ipse Bonifacius dicebat esse suum, secundum illam partem de | districto quod habet de ipso loco, de quo districto dicebat esse suas septimas partes, et ideo volebat ut canonici ipsius ecclesie destruerent ipsum molendinum et tolerent desuper ipso vigano, quia ibi noviter edifficatum est, et volebat ut mu|taretur in eo loco ubi antiquitus fuit. Item dicebat quod ipsum molendinum faciebat sibi damnum pro eo quod aqua inundabat et adaquabat prata sua propter ingurgaturam ipsius molendini. Ad hec ex parte ipsius ecclesie respondebatur | quod non debebant destruere ipsum molendinum ideo quia quondam Otto de Castelliono qui fuit dominus totius loci de Lonate fecit edifficare iamdictum molendinum supra ipsum viganum, et ipsum molendinum postea fuit | mutatum in tribus partibus supra ipsum viganum cum isto qui modo est, et ideo dicebant debere stare in eo loco quo modo est nec debere mutari; et de hoc ipsi canonici dederunt testes eisdem consulibus, silicet Adam de Abiate et | Ottonem Astulfi, qui testificaverunt vidisse hunc molendinum esse levatum per tria tempora in tribus partibus [supra] viganum cum isto qui modo est quiete, sine discordia; et interrogati quomodo scirent, responderunt quod iverant ad ipsa mo|lendina ad macinandum.
His ita auditis ab utriusque partibus, tunc ipse Bordella in concordia sotiorum eius dixit et laudavit, si iamdicti testes ita iuraverint sicut supra testificati sunt, quod ipsum molendinum permaneat in suo statu | nec cogantur ipsi canonici tollere eum de ipso loco. Item dixit ipse Bordella si aqua que pergit ad ipsum molendinum propter ipsum molendinum fecerit damnum in pratis iamdicti Bonifacii iamdicti canonici emendent ipsum | damnum. Et alio die sequenti iamdicti testes parati iurare, ipse Bonifacius noluit sacramenta testium, set dedit ipsum sacramentum eidem ecclesie sicut testes iurare debebant. Tunc postea iamdictus prepositus coram consulibus dedit et | elegit suum avocatum ad hoc negotium Amizonem de Ladenate de Caronno, qui iuravit sicut iamdicti testes iurare debebant. Et sic finita est causa.
Anno dominice incarnationis millesimo centesimo quadragesimo primo, ipso die, indictione quinta.
|
Interfuerunt Arialdus Vicecomes, Mainfredus de Setara, Ugo de Ecclesia Rozonis (1), Ferracanis de Sancto Rafaele, Ardecionus de Abiate; de servitoribus Petrus Tubadore, Spazadescus, Ardericus de Solario, Mainfredus de Cadorago et reliqui plures testes.
(SM) Ego Stephanardus iudex ac missus domni tertii Lotharii imperatoris interfui et subscripsi.
(SM) Ego Girardus causidicus interfui et subscripsi.
(SM) Ego Robasaccus iudex ac missus interfui et subscripsi.
(ST) Ego Anselmus notarius et iudex interfui et hanc sententiam scripsi.
(1) Pur trascrivendo maiuscolo Ecclesia, come ha fatto il Manaresi, considerandolo un riferimento diretto per l'identificazione di Ugo, si pensa possa trattarsi della chiesa fondata da Rozone, dedicata alla SS. Trinità (cfr. G. GIULINI, Memorie, II, pp. 172, 194, 212).
Edizione a cura di
Maria Franca Baroni
Codifica a cura di
Gianmarco De Angelis