Codice diplomatico della Lombardia medievale
(secoli VIII - XII)

(SM) Die veneris qui est quartus dies magii, in solario consulatus Mediolani. Breve de sententia quam dedit (a)Arialdus causidicus qui dicitur de Badaglo consul Mediolani, in concordia Heriprandi Confanonerii, Alberti de Porta Romana,Bennonis de Curte, Ottonis de Mairola, [Ar]|derici Mantegatii,Gotefredi Mainerii, Heriprandi Iudicis, Pedrocchi Marcellini, Monachi Gambari, Gregorii atque Markisii iudicum, consulum, similiter sotiorum eius, de discordia que erat inter Bellonem filium Ottonis qui dicitur Pixainpolte, pro ipso [et pro]| patre suo, atque Vagum qui dicitur de Portaloese, pro se et pro Ottone fratre suo atque Uberto patruo eius qui alio termino ad placitum fuit, omnes de civitate Papie, et ex altera parte domnum Guifredum humilem prepositum ecclesie Sancti Laurentii site in suburbio [Por]|te Ticenensis de civitate Mediolani. Lis enim talis erat. Dicebant ipsi Papienses quod predictus prepositus iniuste tenebat terram scilicet mansos duos et dimidium in loco Florano, qui laborantur per illos qui dicuntur Russi atque per Ardericum qui dicitur Buxolus seu per ---- | de ipso loco, atque dimidium mansum in loco Cosolasco, quos sibi debere dimitti seu restitui postulabant pro eo quod eorum feudum esse atque eis apertum esse dicebant quia Bellonus de Portaloese parens eorum, qui hoc feudum vendidit, sine herede mortuus [est]| et Paganus Avogulus vasallus eorum, qui similiter de ipso feudo vendidit sine herede, mortuus est; et hoc cognosci, terminari atque iudicari debere per consules Papienses dicebant. Ipse autem prepositus respondebat et dicebat ipsam terram non totam possidere, [et]| ipsam quam possidet de eorum feudo non esse affirmabat, imo cartulas proprietatis a predicto Bellone et aliis factas hostendebat; insuper per advocatum suum iuravit alias cartulas non habere neque scit quod in cartulis contineatur quod eis debeat prodesse | vel nocere. Consules vero interrogaverunt ipsos Papienses si quid velint hostendere quod terra illa sit de eorum feudo ut iuditium hoc consulibus Papiensium comitti debeat. Ipsi Papienses duos testes dederunt: hii fuerunt Petrus Buxolus de Florano et [Gui]|fredus Marci, qui prefatis consulibus non fuerunt visi sufficientes. His et aliis ita auditis et visis et facta cautione in manu suprascripti prepositi a predicto Bellone pro ipso genitore suo et a iamdicto Vago pro predictis fratre suo Ottone et Uberto patruo eius quod ipsi | Otto et item Otto et Uberto (b) firmam et ratam habebunt sententiam illam quam prefati consules dederint (c) super hac controversia in penam (b) de libris centum, unde posuerunt fideiussores Passaguadum qui dicitur de Setara atque Iohannem qui dicitur Scantius, laudavit ipse Arialdus | secundum apellum et responsionem et ea que hostensa sunt ut iuditium hoc Papiensibus comitti non debeat, immo per consules Mediolani tota causa finiatur laudavit.Et sic finita est causa. Anno dominice incarnationis milleximo centeximo quinquageximo primo, predicto die, | indictione quartadecima. Interfuerunt Albertus Capellus, Lanzo Magiatus, Albertus Cagatossicum (b), Galdinus de la Porta, Strimidus de Arcu, Ginixmerius et Prevede atque Gualterius qui dicuntur Balbi, Trusso Calossus, Ugizonus Frixo; de servitoribus Anselmus de Picino et Gaidonus, Arnaldus de Sancto Am|brosio, et alii plures.
(SM) Ego Arialdus causidicus hanc sententiam dedi et subscripsi.
(SM) Ego Gregorius iudex interfui et subscripsi.
(SM) Ego Marchixius iudex interfui et subscripsi.
(SM) Ego Dominicus iudex ac missus domni regis interfui et hanc sententiam scripsi.

(a) dedit manca per evidente dimenticanza.
(b) Così A.
(c) dederit in A.

Edizione a cura di Maria Franca Baroni
Codifica a cura di Valeria Leoni