Codice diplomatico della Lombardia medievale
(secoli VIII - XII)

(ST) In nomine Domini. Anno dominice incarnacionis milleximo (a) centesimo octuagesimo primo, sexto kalendas aprilis, indicione quartadecima. Placuit atque convenit inter | Guerrerium filium quondam Rodulfi qui dictus est Cixeranus civitatis Mediolani, consensu et parabola Ottonis et Designati et Iacobi, qui omnes dicuntur de Busti, eiusdem civitatis, nec|non et inter dominam Agatham, gratia Dei abbatisam ecclesie et monasterii Beate Marie de loco Fontiglo, ex parte iamdicti monasterii, ut in Dei nomine debeat dare sicut a presenti dedit | ille Vuerrerius (a) eidem abbatise ad partem ipsius monasterii ad habendum et tenendum, ad nullum fìctum reddendum, libellario nomine usque in perpetuum, hoc est nominative sedimina duo | et petias tredecim terre, quas habere visus est in predicto loco Fontigio (a) et eius territorio, sicut mensurate et consigliate sunt, et que feudum erant ipsorum dominorum de Busti. Prima petia ter|re dicitur in Cuniolo, pertice undecim minus tabule tres et pedes quatuor et untie octo: coheret ei a mane et monte Gaidi Faxoli, a meridie et sero Guilielmi Cixerani. Secunda dicitur item in | Cuniolo, pertice duodecim et tabule sex et dimidia, cum omnibus fossatis, preter fossatum ex parte mane, quod est ipsius Gaidi, a mane predicti Gaidi, a meridie et sero ecclesie Sancti Eustorgii, a monte suprascripti Guilielmi. | Tertia similiter in Cuniolo, pertice novem et tabule decem et septem et pedes tres et dimidius, a mane et monte Sancti Eustorgii, a meridie Sancte Marie, a sero via. Quartus dicitur Post Casas, pertice sex et pes unus et dimidius, a mane | ipsius Guilielmi, a meridie et sero via, a monte Mainfredi de Dugnano. Quintus campus dicitur ad Stratam, pertice decem et tabule decem et septem et pedes quatuor et dimidius, a mane via, a meridie suprascripti Guilielmi, a sero | Sancti Eustorgii, a monte comune. Sextus est ibi prope, insimul se tenens ex parte meridie, pertice decem et tabule decem, a mane et meridie eiusdem Guilielmi, a sero hospitalis Sancti Eustorgii, a monte ipse campus. Septi|mus dicitur ad Rium, pertice novem et tabule tres, a mane rile, a meridie suprascripti hospitalis, a sero et monte eiusdem Guilielmi. Octavus dicitur Longoria de Rio, pertice tres et tabule tredecim et pes unus, a mane accessium, | a meridie et monte Sancte Marie, a sero ipsius Mainfredi. Nonus dicitur ad Costam Riboldi de Lambro, pertice solumm[odo] (a), [a mane via], a meridie Ottonis Cixerani, a sero et monte Sancti Eustorgii. Decimus dicitur in Dosso de Lambro, pertice quinque et tabula una et pedes novem, a mane accessium, a meridie et monte ipsius Guilielmi, a sero Arialdi de Dugnano. Undecimus dicitur Campus de la Fossa, pertice septem et tabule novem et pes unus et dimidius | cum fossa, a mane accessium, a meridie ipsius Guilielmi, a sero via, a monte Sancte Marie. Duodecimus dicitur ad Po[st] arcum, pertice septem et tabule decem et pedes duo, a mane rius, a meridie et monte Sancte Marie, a sero | via. Tertiodecimus dicitur ad Petram Pertuso, pertice duodecim minus tabule septem, a mane Sancte Marie, a meridie illorum de Dugnano, a sero et monte via. Primum sedimen, quod est in predicto loco Fontegio (a), est tabule | sedecim et pedes novem, a mane Sancte Marie, a meridie Ottonis Cixerani, a sero et monte via. Aliud sedimen est pertica una et tabula una et pedes septem, a monte Guilielmi Cixerani, ab aliis | partibus Sancte Marie. Ita ut amodo in antea habere et titulo emptionis tenere debeat prefatum monasterium Sancte Marie et cui pars illius monasterii dederit supradicta omnia vendita, et | tacere exinde debeat cum omnibus suis finibus et accessionibus et omni alio iure et usu eisdem rebus pertinentibus libellario iure quicquid voluerit, sine alicuius contradictione. Preterea ipse | Guerrerius promisit et omnes res suas pignori obligavit eidem abbatise ita quod omni tempore defendere et guarentare habet omnia suprascripta vendita ab omni nomine et spetialiter | ab aliis senioribus qui ius aliquod haberent usque in pena (a) dupli. Et pro pretio iamdictarum rerum confessus est ille Guerrerius se accepisse ab eodem monasterio libras octuaginta et unam | denariorum terciolorum, secundum cognitum pro pertica solidorum quindecim. Et quos denarios omnes predicti Designatus et Iacobus filius ipsius Ottonis per eius parabolam qui dicuntur de Busti acceperunt ibi ab eodem Guerrerio in causa | depositi ad salvos faciendum donec dentur in terra ad partem ipsius Guerrerii, que sit in loco predicti veteris et paterni feudi venditi; et ea lege et pacto predicti denarii aput ipsos | dominos depositi fuerunt, et ipsi sic receperunt ut omni tempore donec terra empta fuerit de illis denariis sint pignori obligati eidem monasterio pro defensione et guarentamento suprascriptarum rerum venditarum, | si placitum aliquo tempore de illis rebus apparerei; et tota terra que de predictis denariis et pretio prefati feudi venditi epmta (a) fuerit eodem modo perpetuo ipsi monasterio sit pignori obliga|ta pro defensione suprascriptarum rerum ut supra continetur, et tali lege in causa depositi ipsos denarios acceperunt ut denarii et terra de ilio pretio empta omni tempore sint pignori obligati. Quia sic inter (b) | eos convenit. Actum eadem civitate, in casa Guilielmi de la Porta.
Signum + manus predicti Guerrerii, qui hanc cartam fieri rogavit ut supra.
Signum + (c) manuum suprascriptorum Ottonis et Designati et Iacobi qui dicuntur de Busti, dominorum, qui parabolani dederunt ut supra et ad confirmandum manus posuerunt.
Signum + (c) manuum Ottonis Plati, Ottonis Cixerani, parentum ipsius Guerrerii, qui consenserunt et ad confirmandum manus posuerunt.
Interfuerunt testes Arnaldus et Guilielmus qui dicuntur de la Porta atque Miranus de Mosso. Postea vero, secundo die mensis iunii, in presentia Arnaldi de la Porta, Stefani Men|clotii, Iohannis Coalie et Mediolani de Mosso, in ecclesia Sancte Marie Yemalis prefatus Designatus de Busti accepit solidos quadraginta et denarios viginti duos terciolorum in causa | depositi sicut et eodem modo ut supradicti alii denarii sunt depositi. Alio die sequenti, in eadem ecclesia, coram prefatis Arnaldo et Mediolano, ipse Iacobus de Busti in eadem causa de|positi recepit alios solidos quadraginta et denarios viginti duos; et que libre quatuor et denarii quadraginta quatuor sunt pretium campi unius, qui iacet in predicto loco, et dicitur Desupra | Costam de Rio, et est pertice quinque et tabule quatuordecim: coheret ei a mane ipse rius, a meridie et monte predicti monasterii, a sero accessium, et qui campus tempore predicti instrumenti | erat in discordia, set tunc in concordia. Ipse Guerrerius pro suprascripto pretio eidem monasterio iamdictum campum dedit et tradidit parabola ipsorum dominorum et ut in instrumento hoc scriberetur rogavit.
(ST) Ego Ambrosius de Valnexio sacri palatii notarius hanc cartam tradidi et scripsi.

(a) Cosi A.
(b) Segue sic inter ripetuto.
(c) Il numero delle croci non corrisponde al numero delle persone.

Edizione a cura di Maria Franca Baroni
Codifica a cura di Gianmarco Cossandi