Codice diplomatico della Lombardia medievale
(secoli VIII - XII)

(ST) Anno a nativitate domini nostri Iesu Christi millesimo centesimo octuagesimo primo, .II. die madii, indicione .XIIII. Comutatio bone fidei | noscitur esse contractus ut ad invicem emptionis optineat firmitatem eodemque nexu obligat contrahentes. Placuit itaque et bona convenit volun|tate inter dominum Arnaldum ecclesie Sancti Stephani site in burgo Vicomercato prepositum, in concordia et presentia presbiteri Guarnerii, Iohanis Ismaelli | diaconi, Lazari subdiaconi seu Rogerii et Branke eiusdem ecclesie clericorum, nec non et ex altera parte inter Ambroxium qui dicitur Girardi de eodem bur|go nunc abitatorem ut debeant dare sicut a presenti dederunt sibi invicem ipsi comutatores in causa comutationis ad habendum. In primis dedit ipse prepo|situs eidem Ambroxio et in vicem nepotum suorum qui supra Ambroxii, filiorum quondam Stevani, in causa comutationis a presenti die et ora ad habendum, hoc | est petiam unam de terra iuris suprascripte ecclesie reiacente in territorio suprascripti burgi ubi dicitur in Garliora, cui coheret a mane et ab aliis partibus ipsius Ambroxii | et nepotum, et in aliquo a sero Gilberti et Cerruti; et est hec petia terre per mensuram pertice quattuor et tabule tres. Unde ad invicem recepit ipse preposi|tus ad partem suprascripte ecclesie a suprascripto Ambroxio similiter in causa comutationis a presenti die et hora ad habendum, hoc est petiam unam de terra reiacente | in territorio de Belusco ubi dicitur in Modegono, cui coheret a mane et a monte ipsius ecclesie, a meridie Unfridi Marconi, a sero Ambroxii qui dicitur Sapiens; | et est hec petia terre per mensuram pertice sex et tabule quinque et pedes tres. Hiis autem rebus superius dictis et comutatis taliter ipsi comuta|tores sibi invicem tradiderunt, faciendum ipse Ambroxius cum nepotibus et cui dederint de hoc quod ut supra in cambio receperunt libellario | nomine quicquid voluerint ad nullum fictum exinde faciendum; et ipse dominus prepositus cum suis successoribus et personis ipsius ecclesie qui modo adsunt vel pro | tempore aderunt et cui dederit de suprascripta petia terre quam ut supra a suprascripto Ambroxio in cambio recepit iuris proprietarii nomine quicquid voluerit, | sine omni unius eorum alterius eorumque heredum vel successorum contradictione, et una cum superioribus et inferioribus seu cum finibus et accessionibus earum in integrum. | Quidem promisere sibi invicem ipsi comutatores una cum suis heredibus et successoribus suprascriptas res quas sibi in comutatione dedere ab omni homine | defensare; penam vero inter se posuere ut quis ex ipsis aut eorum heredibus vel successoribus se de hac comutatione removerit, tunc componat | illa pars que hoc non servaverit ad partem fidem servanti pene nomine in duplum suprascriptas res quas sibi in comutatione dedere, et insuper eadem co|mutatione permanere. Et ad hanc comutationem providendam accessere duo homines Deum timentes estimatores quorum nomina subter leguntur, | qui estimavere et guarentavere quod suprascripta ecclesia meliorem reciperet rem quam daret. Actum ipso burgo. Unde due carte uno tenore tradite sunt.
Signum + + manuum suprascriptorum prepositi et Ambroxii qui hanc comutationis cartam fieri rogavere.
Signum + + manuum Scottonis de Galdaniga et Viviani de Rozano estimatorum qui ita estimavere et guarentavere ut supra.
Interfuere testes Unfredus Marconus de Galdaniga, Albertus Toscanus, Bellinus.
§ Et insuper ibi statim dedit guadiam ipse Ambroxius eidem preposito, si intentio vel discordia aparuerit de suprascripta petia terre quam ei dedit in cambio, | defendendi et guarentandi ab onmi homine usu et ratione, et amodo in antea faciendi stare contentos suprascriptos nepotes suos in hac comutatione; et inde posuit | fideiussorem suprascriptum Unfredum Marconem. Et ipse prepositus guadiam dedit eidem Ambroxio defendendi et guarentandi hoc quod supra ei dedit in cambio | ab omni homine usu et ratione; et inde posuit fideiussorem Lanciam qui dicitur Merosus de eodem burgo.
(ST) Ego Covadus iudex tradidi et scripsi.

Edizione a cura di Liliana Martinelli Perelli
Codifica a cura di Gianmarco Cossandi