Codice diplomatico della Lombardia medievale
(secoli VIII - XII)

(ST) In nomine Domini. Anno a nativitate domini nostri Iesu Christi milleximo centeximo octuageximo sexto, tertiodecimo | die mensis augusti, indicione quarta. Constat nos Petracium qui dicor Alberius filium emancipatum Arnaldi | et Albertum qui dicor Savoridi et Lanzonem qui dicor Orerii et Guilicionum qui dicor Millemerces, omnes de civitate Me|diolani, qui professi sumus lege vivere Longobardorum, accepisse sicuti et in presentia testium manifesti sumus quod accepimus | a te Gualtirono qui diceris de Passirana de burgo Vicomercato argen(ti) den(ariorum) bon(orum) Mediol(anensium) nove monete libras | decem et octo et solidos tredecim minus denarios duos; de quibus ego qui supra Petracius recepi libras sex et solidos quattuor et denarios | tres pro mea parte, et ego qui supra Albertus recepi libras quattuor et denarios triginta et quattuor et tertiam pro mea parte, | et ego qui supra Lanzo recepi libras quattuor et denarios triginta et quattuor et tertiam pro mea parte, et ego qui supra Guilicionus recepi libras quattuor et denarios triginta et quattuor et tertiam pro mea parte; finito pretio sicuti inter nos | convenit pro petia una terre iuris nostri vel nostra libellaria sine censu reddendo quam habere visi sumus in terri|torio de eodem burgo Vicomercato ad locum ubi dicitur in Curazana: coheret ei a mane et meridie accessium, a sero Nazarii et | Arnerii germanorum, a monte Petri de Rozano, et est pertice tredecim et tabule sedecim. Quam autem terre petiam superius | dictam cum superiore et inferiore seu cum fine et accessione sua in integrum ab hac die tibi qui supra Gualtirono per hanc | cartam et pro suprascripto pretio vendimus, tradimus, mancipamus, ut facias exinde a presenti die tu et cui tu dederis vestrique heredes | quicquid volueritis sine omni nostra heredumque nostrorum contradicione. Quidem et spondemus atque promittimus nos qui supra Petracius | et Albertus et Lanzo et Guilitionus una cum nostris heredibus tibi qui supra Gualtirono tuisque heredibus seu cui vos dederitis | suprascriptam petiam terre ut supra legitur in integrum ab omni homine defensare, quisque pro parte sua secundum cognitum suprascripti pretii; quod si de|fendere non potuerimus aut si contra hanc cartam venditionis per quodvis ingenium agere aut causari presumpserimus, | tunc in duplum vobis suprascriptam petiam terre ut supra legitur in integrum restituamus sicuti pro tempore fuerit aut valuerit sub exstima|tione in consimi*li* loco. Quia sic inter nos convenit. Actum suprascripta civitate.
Signum + + + (a) manuum suprascriptorum Petratii et Alberti et Lanzonis et Guilitioni venditorum qui hanc cartam ut supra fieri rogaverunt.
Signum + + + manuum Petracii qui dicor de Fossato et Beroldi, qui omnes sunt de burgo Vicomercato, atque Ambrosii qui dicitur Malecolzatus testium.
Ibique statim coram suprascriptis testibus (b) investiverunt nomine pignoris ipsi Petracius et Albertus et Lanzo et Gui|licionus suprascriptum Gualtironum de omnibus suis bonis, ita quod si discordia vel intentio advenerit eidem Gualtirono | vel suis heredibus aut cui dederit de suprascripta petia terre ut supra legitur in integrum defendere et guarentare habent ab omni homine | iure et lege quisque pro sua parte secundum cognitum suprascripti pretii.
(ST) Ego Lanfrancus qui dicor Bandus notarius sacri palatii tradidi et subscripsi.
(ST) Ego Ambrosius qui dicor Malecolzatus notarius domni Frederici imperatoris scripsi.

(a) Così, senza corrispondenza fra il numero delle croci e quello dei venditori.
(b) testibus nell'interlinea.

Edizione a cura di Liliana Martinelli Perelli
Codifica a cura di Gianmarco Cossandi