Codice diplomatico della Lombardia medievale
(secoli VIII - XII)

(ST) Anno a nativitate domini nostri Iesu Christi .M.C.LXXXX., .XII. die septembris, indicione nona. Constat nos Basianum qui dicor Capra et Caneve|sem iugales de loco Caponago, qui professi sumus lege vivere Lonbarda, mihi Canavese consentiente suprascripto Basiano viro et mundualdo meo | et una cum notitia de parentibus meis que supra femine quorum nomina subter leguntur, a quibus interrogata professa sum mea voluntate hanc vendicionis cartam facere | et me nullam a quopiam homine exinde pati violentiam, accepisse sicut et in presentia testium manifesti sumus quod accepimus a te Basiano presbitero | et offitiali ecclesie Sancti Stephani de Vicomercato argen(ti) den(ariorum) bon(orum) Mediol(anensium) nove monete libras sex, finito pretio sicut inter nos convenit pro | petia una de terra reiacente in territorio eiusdem loci Caponagi ubi dicitur in Pomario; cui est a mane via, a meridie Dominici Sakella, a sero Otto|lini Lazaroni, a monte Iohannis Capra, de qua que est a monte ibi presentialiter ipse Basianus presbiter recepit cartam emptionis ab eodem Iohanne Capra. Omnia et ex omni|bus quantacumque suprascripta petia terre infra ipsas coherentias inventa erit et una cum superiore et inferiore seu cum fine et accessione sua ab hac die tibi qui supra | Basiano emptori per hanc *c*artam et suprascripto pretio vendimus, tradimus et emancipamus nos qui supra iugales, ut fatias exinde a presenti die et ora tu et cui dederis | iuris proprietarii nomine quicquid volueritis sine omni nostra et heredum nostrorum contradicione. Quidem spondemus atque promittimus nos qui supra iugales una cum nostris | heredibus tibi qui supra Basiano seu cui dederis suprascriptam petiam terre ut supra legitur ab omni homine defensare; quod si defendere non potuerimus aut si contra hanc vendicionis | cartam agere presumpserimus, tunc in duplum vobis ipsam venditam restituamus sicut pro tempore fuerit aut valuerit sub estimatione in consimili loco. Quas au|tem suprascriptas libras sex suprascriptus Basianus presbiter ibi presentialiter guarentavit et professus fuit esse de suis propriis denariis, silicet eas abuisse de scolaribus quibus ostenderat. Actum suprascripto loco Caponago.
Signum + + manuum suprascriptorum iugalium qui hanc vendicionis cartam fieri r*o*gavere.
Signum + + manuum Scotonis et Ambrosii patris et filii de eodem loco, qui Scotto erat avonculus suprascripte femine, qui eam interrogavere.
Interfuere Iohannes Mazza et Scottorinus seu Ugizonus de suprascripto loco et magister Guifredus et Iohannes Ismaelli presbiteri et Branka clerici suprascripte ecclesie de Vico (a).
§ Insuper ibi statim dedit guadiam ipse venditor obligando res suas pignori eidem eptori, si intentio vel discordia aparuerit de suprascripta vendita, defen|dendi et guarentandi ab omni homine usu et ratione. Et inde posuit fideiussorem Iohannem qui dicitur Capra generum suum de eodem loco, qui per omne tempus fideiussit et obligando res | suas pignori.
(ST) Ego Covadus iudex tradidi et scripsi.
§ Insuper ibi in presentia suprascriptorum testium libellum fecit suprascriptus Basianus presbiter in eundem Basianum venditorem de suprascripta petia terre, reddendo et fati|endo exinde fictum eidem Basiano presbitero omni anno per omne festum sancti Laurentii vel ad octo dies post, tractum et consignatum Vicomercato ad casam | sue abitationis, ad mensuram Mediolani, modium unum frumenti pulcrum sine fraude; et si fecerit dispendium post terminum in persequendo ipsum fictum, restauran|di sine sacramento. Et si suprascripta petia terre divideretur, tamen unus quem voluerit in sollidum ei teneatur dare ipsum fictum.

(a) Così A.

Edizione a cura di Liliana Martinelli Perelli
Codifica a cura di Gianmarco Cossandi