105
Carta vendicionis
1193 febbraio 10, Vimercate.
Oldo del fu Ottone Nazarius di Ornate vende alla chiesa di Santo Stefano nella persona del preposito Arnaldo un appezzamento di sedici pertiche in territorio di Omate, localitą in Barazia, al prezzo di sette lire in moneta nuova milanese; ricevendolo di ritorno a titolo di livello, per un canone annuo di un moggio di frumento.
Originale, ASMi AD, pergg., cart. 612, n. 421 [A]. Regesto, ASMi, Catalogo delle pergamene..., vol. IV, fasc. n. 88.
Sul verso, di mano del giudice Covado: Carta ecclesie Vicomercati de manu Oldonis de Vomate. Di mano del sec. XIII: Hec est carta terre Trechadi Rustici. Di mano del sec. XIV: pro qua debetur modium .I. frumenti, | et est pertice .XVL.. Altre annotazioni archivistiche d'epoca moderna, fra cui un breve regesto di mano del sec. XVIII.
Pergamena di mm. 249/254 x 257/258 in buono stato di conservazione. Tracce di rigatura.
(ST) Anno a nativitate domini nostri Iesu Christi .M.C.LXXXXIII., decimo die februarii, indicione .XI.
Cartam venditionis ad propriurn fecit | Oldo filius quondam Ottonis Nazarii de loco Vomate in dominum Arnaldum prepositum ecclesie Sancti Stephani site in burgo Vico|mercato ad partem et utilitatem ipsius ecclesie, nominatim de petia una terre iacente in territorio eiusdem loci Vomati ubi dicitur in Barazia, | cui est a mane reservabat ipse Oldo, a meridie Germanini (a), a sero heredum Marconi, a monte primicerii; et est hec pe|tia terre per mensuram pertice sedecim. Ita ut amodo in antea abere et tenere debeant ipse prepositus et eius successores et persone ipsius | ecclesie que modo adsunt vel que pro tempore fuerint seu cui dederint suprascriptam petiam terre ut supra legitur, et facere exinde tam superiore quam | inferiore seu cum fine et accessione sua in integrum iuris proprietarii nomine quicquid voluerint sine omni sua et heredum suorum contradicione. Et pro|misit ipse Oldo una cum suis heredibus suprascriptam petiam terre ut supra legitur ab omni homine defensare eisdem preposito et suis successoribus seu | cui dederint et personis ipsius ecclesie que modo adsunt vel pro tempore aderunt. Quod si defendere non potuerint aut si contra hanc vendicionis cartam ege|rint, tunc componere debeant et restituere in duplum sicut pro tempore fuerit aut valuerit sub estimatione in consimili loco. | Et pro suprascripta petia terre manifestavit ipse Oldo accepisse a suprascripto preposito ex parte suprascripte ecclesie argen(ti) den(ariorum) bon(orum) Mediol(anensium) nove monete | libras septem.
Actum suprascripto burgo.
Signum + manus suprascripti Oldonis qui hanc vendicionis cartam fieri rogavit.
Interfuere Petrus Dalfini de Grade et Iohannes Ottoni de eodem loco et Niger de Grassis de Concorezio.
§ Et insuper ibi statim in presentia ipsorum testium dedit guadiam ipse Oldo obligando sua pignori eidem domino preposito ad partem suprascripte ecclesie (b) si inten|tio vel discordia aparuerit de suprascripta vendita, defendendi et guarentandi et ab heredibus suis et nuru et omni homine suo dispendio. | Et inde posuit fideiussorem Zanonum filium quondam Guilielmi de Cassiano generum suum, qui per omne tempus fideiussit obligando si|militer res suas pignori.
(ST) Ego Covadus iudex Vicomercati tradidi et scripsi.
§ Et insuper ibi incontinenti cartam libelli fecit ipse prepositus in concordia plurium clericorum suorum in suprascriptum Oldonem de | suprascripta petia terre, ut continetur ipsa carta (c) libelli, et (d) fatiendo exinde fictum omni anno eidem ecclesie modium unum frumenti fictum | eidem ecclesie per omne festum sancti Laurentii vel ad octo dies post, tractum et consignatum Vicomercati intus canonicam, ad mensuram Mediolani et | mensuratum intus ipsam canonicam. Et convenere si fecerit dispendium ipse prepositus post terminum in persequendo ipsum fictum totum restaurare | ipsum dispendium; et si ipsa terra divisa erit in plures homines, tamen a quo voluerit (e) ipse prepositus exigatur in sollidum | ipsum fictum. Et cum traxerit ipsum fictum omni anno, una persona tantum recipiatur ad comestionem oneste secundum diem. | Et suprascriptas libras .VII. pretium suprascripti frumenti guarentavit ipse prepositus sibi dedisse magister Anselmus per iudicatum quod fecerat | dominus Andreas quondam presbiter ecclesie de Grate, qui ipsos denarios iudicaverat eo modo ut emerent modium unum fictum pro remedio | anime sue et ut clerici ipsius ecclesie orarent pro anima sua.
(a) Segue a meridie Germanini depennato.
(b) ad - ecclesie aggiunto in uno spazio libero della pergamena con segno di inserzione.
(c) carta nell'interlinea.
(d) et aggiunto nell'interlinea.
(e) Segue exiga depennato.
Edizione a cura di
Liliana Martinelli Perelli
Codifica a cura di
Gianmarco Cossandi