Codice diplomatico della Lombardia medievale
(secoli VIII - XII)

(SN) Anno dominice incarnacionis millesimo centesimo sexagesimo nono, indicione secunda, die sabati qui est pridie kalendas iulii, in loco Lomello. Presencia bonorum hominum quorum nomina subter leguntur, per lignum et cartulam de manibus Albertus et Laurentius germani, filii quondam Homodei de Lomello, qui professi sunt ex nacione eorum lege vivere Longobardorum, tradiderunt et vendiderunt per transactum Ugoni Contafestam, filio quondam Aribaldi, pro precio librarum novem, pecias quatuor de terra colta, que sunt super totum per mensuram iustam pertice viginti, omnes iuris eorum preter perticas sex de quibus datur omni anno staria tria (a) lomellina de grano fictum ecclesie Sancte Marie de Lomello, positas in loco et fundo Candiana et in eius territorio. Prima quarum iacet ad Adriam et est pertice septem; a mane Otto Buttigella, de meridie Sancta Maria de Lomello, tenetur a filiorum quondam Gualteroni, a sero Lanfrancus de Quintavalle, ex aquilone Aribaldus Contafesta. Secunda in via de Salice, pertice sex et dimidia; a mane via, de meridie Mocius de Sancto Naçario, a sero Lanfrancus, ex aquilone Aribaldus. Tercia in via Maiore, pertice .II. et dimidia; a mane Gronda, de meridie Otto Buttigella (b), de sero via, ex aquilone Gregorius Rovamalas. Quarta de Culpor(cinin)a pertice .IIII.; a mane Maçoccus, de meridie idem Ugo, de sero Maçoccus, ex aquilone Gregorius, sive ibi alie sint coherencie, similiter cum omni honore et reditum et cum omnibus rebus suprascriptis perticis .XIIII. pertinentibus, et alias perticas sex habent ad suprascriptum fictum reddendum suprascripte ecclesie ut supra legitur. Et faciant de perticis .XIIII. iure ac proprietario nomine et de perticis sex fictualio nomine quicquid voluerint, sine omni contradicione suprascriptorum germanorum suarumque heredum et cum eorum defensione et restauracione ab omni persona cum racio(ne) secundum tempor(um) melioracionem in consimili loco in pena dupli; et Cecilia (c) mater eorum, filia quondam Viviani Ferrarii, et Gisla uxor eiusdem Alberti, filia quondam [[......]], per consensum suprascriptorum filiorum et iamdicti viri sui, et iuxta legem una cum noticia propinquorum parentum, in quorum presencia et testium contrafaciunt professionem nullam se pati violenciam a copiam homine nec ab ipsis filiis et viro et mondoaldo (d)suis nisi sua bona et spontanea voluntate, renunciaverunt iuri ypothecarum et illi racione (e) qui eis pertinebat in suprascriptis rebus, tali modo ut ipse et heredes earum adversus suprascriptum Ugonemet adverus suos heredes adque cui (f) dederint tacite et contempte permaneant semper ex in pena dupli. Et iuravit Albertus manu sua propria ad sancta Dei evangelia per se et per parabolam suprascripti Laurencii eo modo quod ipsi suprascriptas res, ut supra legitur, tunc detinebant, et quod cartula, scriptum, tradicio, investitura, refutacio, obligacio vel alia securitas exinde aliam partem facta non est que noceat suprascripto Ugoni nec suis heredibus neque cui dederint, et quod ab hac ora in antea non habent exinde agere nec causare neque placitare adversus suprascriptum Ugonem nec adversus suos heredes neque cui dederint per se neque per eorum submissam personam; et si briga vel intencio exinde in ei apparuiter in actoritatem (d) et defensionem eis exinde stare habent et ab omni persona eos exinde defendere et disbrigare habent cum racione et iuravit per parabolam suprascriptarum feminarum quod ipse de iure et racione quod eis pertinebat in suprascriptis rebus non habent agere nec causare neque placitare in toto vel in parte adversus suprascriptum Ugonem adversus suos heredes neque cui dederint. Hec ita vera sunt et adtendere et observare habent suprascripti omnes sine fraude et malo ingenio, illis scientibus, si Deus illo adiuvet et illa sancta Dei evangelia. Quidem et pro suprascripta vendicione fuerunt confessi suprascripti Albertus et Laurencius se accepise ab eodem Ugone libras novem denariorum bonorum Papiensium. Signa manuum eorum et suprascripte Cecilie matris eorum et Gisle (g) uxoris Alberti qui hanc cartulam fieri rogaverunt et ipsi eis consenserunt ut supra. Interfuerunt B[[...]]natus de Lomello et Lavorinus parentes eorum qui eas interrogaverunt ut supra. Interfuerunt Ugo de Verçario, Girardus de Sancto Salvatore et Gunsebi[us], Calvus de Odemario et Bernardus Pastor, testes. Ego Petrus sacri palacii notarius interfui et hanc cartulam scripsi.

(a) tria nell'interlineo.
(b) La prima -t- nell'interlineo.
(c) -ci- nell'interlineo.
(d) Così B.
(e) racione nell'interlineo.
(f) cui nell'interlineo.
(g) -s- nell'interlineo.

Edizione a cura di Andrea Bedina
Codifica a cura di Andrea Bedina