Codice diplomatico della Lombardia medievale
(secoli VIII - XII)

(SN) Die mercurii qui est tercio decimo die mensis marcii. Intus claustram monasterii Sancti Petri Celi Aurei. Presentia bonorum hominum quorum nomina subter leguntur, per lignum et cartulam quod sua tenebat | manu Ugo Advocatus, filius quondam Oldradi, refutavit et finem fecit adversus (a) domnum Iohannem, abbatem suprascripti monasterii, ad partem ipsius monasterii, nominative de omnibus illis condicionibus et albergariis | et atractis quas ipse Ugo habere vel possidere videbatur per aliquem modum in Villarassca et in omni eius territorio et in Rozone et in molendinis et in Sancto Colu(m)bano et in omni eius territorio et in Bardebago et in Lardiraco et | in omnibus eorum territoriis, ita ut ab hac hora in antea maneat exinde ipse Ugo et sui heredes taciti et contenti adversus suprascriptum domnum Iohannem abbatem suisque successoribus aut cui dederit. Quod si exinde egerit | aut causaverit sive per placitum fatigare presu(m)pserit, vel si apparuerit ullum datum aut factum vel quodlibet scriptum quod ipse exinde in aliam partem fecisset et claruerit, tunc obligavit se et suos heredes co(m)ponere | penam argenti denariorum bonorum Papiensium (b) libras centum. Quidem et pro hac refutacione dedit ipse domnus Iohannes eidem Ugoni precium libras triginta tres denariorum bonorum Papiensium (c); et hanc refutacionem fecit | simul cum Alberico Advocato, filio quondam (d) Cone. Et ibi loci iuravit suprascriptus Ugo manu sua propria ad sancta Dei evangelia adversus suprascriptum domnum Iohannem abbatem quod de suprascriptis rebus omnibus, de quibus suprascriptam cartulam | refutacionis hodie fecit in eumdem abbatem, nullam cartam, nullum scriptum, nullam tradicionem (e), nullam investituram neque aliquam securitatem in aliam partem factam non est, se sciente (f), que noceat ipsi abbati | neque suis successoribus neque cui dederint; et ab hac ora in antea non habet eum agere nec causare nec contradicere nec placitare nec gueriare suprascriptas res omnes nec in partem nec in totum nec per se nec | per sua submissa persona neque ipsi abbati neque suis successoribus neque cui dederint; et si exinde briga aut contentio ei apparuerit, in auctoritate et in defensione ab omni homine omni t(em)pore stare | et defendere habet cum racione. Hec ita vera (g) sunt et observare habet se sciente bona fide sine fraude et malo ingenio, si Deus illum adiuvet et illa sancta Dei evangelia. Insuper ipse Ugo, per lignum quod sua tene|bat manu, obligavit eidem domno Iohanni abbati, si briga vel intentio ei apparuerit et ab omni homine omni t(em)pore cum racione non disbrigaverit, tunc ipse abbas potestatem et licenciam abeat tollendi et | habendi tantum de sub(stanti)a suprascripti Ugonis, ubicu(m)que inveniri potuerit et ei plus placuerit, quod bene valeat damnum in duplum, et insuper penam argenti denariorum bonorum Papiensium libras centum (h). | Factum est hoc anno dominicę incar(nacionis) millesimo centesimo sexagesimo tercio, suprascripto die, indic(tione) undecima.
Signum + manus suprascripti Ugonis qui hoc breve fieri rogavit et suprascriptum precium accepit ut supra.
Interfuerunt testes Allo Curadus, Syrus Mulinarius, Paganus Grasus, Ubertus Oculusbovis, B(er)tolomeus Sancti Petri et Ardezonus, Bernardus de Froa et Donumdeus Cabalerius et Baldus Cavalerius.
(SN) Ego Arlotus notarius sacri palacii interfui et hoc breve scripsi.

(a) A adus
(b) P- corr. da l
(c) P- corr. da l
(d) A q(uod)
(e) A trac(ionem)
(f) Nel sopralineo, tra -e e q-, se, come pare.
(g) Nel sopralineo, in corrispondenza di -a, segno abbr. (tratto orizzontale) parzialmente eraso.
(h) A cetum senza segno abbr. per la prima nasale.

Edizione a cura di Barbieri, Cau, Baretta, Ansani
Codifica a cura di Michele Ansani