Codice diplomatico della Lombardia medievale
(secoli VIII - XII)

URBANUS episcopus servus servorum Dei. Dilecto filio Nazario preposito monasterii Sanctę Trinitatis quod super flumen Adue situm est, | in terretorio Pergamensi, in loco qui dicitur Virgil(a), salutem et apostolicam benedictionem. Desiderium quod ad religiosum propositum et animarum salutem pertinere | monstratur, auctore Deo sine aliqua est dilatione complendum. Proinde nos iusta votum hac peticionem tuam monasterium (b) quod in | honore sancte et individue Trinitatis edificasti et in alodium (c) Sedis Apostolice proprium obtulisti, Domino quo (d) operante suscipimus et decreti presentis hauc | toritate munimus. Statuimus enim, ut quequumque in loco ilio per tuum (e) vel sociorum tuorum (f) industriam parata sunt vel in futurum (g), prestante | Domino, parabantur (h), quicquid etiam concessione pontificum, liberalitate principum vel oblatione fidelium iuste atque canonice poteris adipissi (i) firma tibi tuisque | successoribus et inlibata permaneant. Confirmamus etiam eidem monasterio ecclesias Sancti Salvatoris et Sancti Michaelis et Sancti Eusebii edificatas in ter | retorio de loco Calusco, que pro beati Petri reverentia a nobilibus viris Lothario et Alberio seu Attone fratribus atque Teudaldo seu Attone nepotibus | eorum oblata sunt, cum omnibus ad ipsas ecclesias pertinentibus. Decernimus ergo ut nulli omnino hominum liceat idem monasterium temere perturba | re aut eius possessiones auferre vel ablatas retinere, minuere vel temerariis vexationibus fatigare, set omnia integra conserventur eorum pro quorum | sustentacione et gubernatione concessa sunt, usibus omnimodis profutura, salva Pergamensis episcopi debita reverentia, si catolicus fuerit, siquidem gratiam atque | comunionem Apostolice Sedis habuerit, cui tamen monasterium ipsum tamquam beati Petri proprium omnino gravare non liceat. Ad inditium autem pre | cepte (j) a Romana Ecclesia libertatis singulis annis duodecim denarios Mediolanensis (k) monete Lateranensi palatio persolvens. Si quis igitur in cra | stinum archiepiscopus, episcopus, inperator aut rex, princeps aut dux, comes, vice comes, iudex aut ecclesiastica quelibet secularisve persona hanc | nostre constitucionis paginam sciens (l), contra eam temere venire temptaverit, secundo terciove comonita si non satisfatione congrua emendaverit, | potestatis honorisque sui dignitate careat reamque se divino iudicio existere de perpetrata iniquitate cognoscat (m) et a sacratissimo corpore et | sanguine Dei et domini redemtoris nostri Iesu Christi aliena fiat, atque in estremo (n) examine districte ulcioni (o) subiaceat. Cunctis autem eidem | loco iusta servantibus sit pax domini nostri Iesu Christi, quatenus et hic fructum bone accionis percipiant et aput districtum iudicem premia (p) ęternę pa | cis inveniant. Amen. Amen. Scriptum per manum Petri notarii regionarii(q) testium (r) sacri palatii. (R) (BV) Datum Rome aput Beatum Petrum per manum Iohannis sancte Romane Ecclesie diaconi cardinalis, III nonas maii, indicione VIIa, anno dominice incarnacionis M° | XC°IX°, pontificatus (s) autem domni Urbani secundi pape XII°.

(a) Così B: s'intenda Virgis
(b) B monastariu(m)
(c) Corretto da alodio scrivendo u al di sopra della -o ed aggiungendo il trattino abbreviativo per m
(d) Così B.
(e) Così B con la seconda -u- acuta: s'intenda tuam
(f) B tuuor(um) con la seconda -u- acuta.
(g) corretto da futuro con -o espunta e sormontata da -u con segno abbreviativo per -u(m)
(h) Così B per parabuntur
(i) Così B.
(j) Così B per percepte
(k) B Mediolansis
(l) B siens
(m) c- corretta da g tramite rasura dell'ansa inferiore.
(n) -o su rasura.
(o) B ulcionis
(p) Segue rasura per circa 4 lettere, barrata con un tratto orizzontale.
(q) B reginarii
(r) Così B: s'intenda et scrin(iarii)
(s) La seconda -i- corretta su a.

Edizione a cura di Cristina Carbonetti Vendittelli
Codifica a cura di Gianmarco De Angelis