Codice diplomatico della Lombardia medievale
(secoli VIII - XII)

(ST) Anno ab incarnatione domini nostri Iesu Christi milleximo centesimo septimodecimo, quinto kalendarum yenuarii, indictione decima. Stetit et convenit inter Rolandum, filium quondam Arderici, qui | dicebatur de Sesto, de civitate Mediolani, et item Ardericum, patrem et filium, per ipsius genitoris sui consensum, nec non et inter Ambrosium, qui vocatur similiter de Sesto, filium quondam item Rolandi, de suprascripta civitate, | eo tenore qualiter hic subter legitur, ita ut amodo in antea usque in decimo kalendarum yenuarii qui venit ad annos tres de indictione tertiadecima, dare ac reddere debeant ipsi pater et filius | aut eorum missus vel sui heredes eidem Ambrosio aut suis heredibus vel suo misso, in suprascripta civitate ad casam habitationis sue, argenti denariorum bonorum Mediolanensium libras viginti, et pro servitio eorum per unumquem|que de ipsis tribus annis, in capite uniuscuiusque anni, de similibus denariis, libras tres, et statim, preterquam a se receptos habuerit ipse Ambrosius vel sui heredes, dare et reddere debeat | eisdem patri et filio suprascriptam cartulam vendicionis incisam, et si non reddiderit, tamen vacua permaneat. Quod si se subtrascerint ipsi pater et filius aut eorum heredes, quod non dederint suprascriptos denarios omnes | cum servitio, qualiter supra legitur, in integrum eidem Ambrosio vel suis heredibus per ipsa constituta, sicut supra legitur, tunc statim suprascripta cartula venditionis in sua maneat firmitate et res que in ea legun|tur, iuris Ambrosii vel de suis heredibus, persistat potestate iusta ipsam cartulam. Et si deinde in antea de ipsis rebus agere aut causari presumpserint ipsi pater et filius vel eorum heredes, aut si de | eorum dato vel facto exinde in alia parte aparuerit et claruerit, tunc componere debent eidem Ambrosio vel suis heredibus, pene nomine, argenti denariorum bonorum libras sesxaginta, et insuper exinde omni tempore | taciti et contenti esse et permanere debeant. Quia sic inter eos convenit. Actum suprascripta civitate.
Signum ++ manuum suprascriptorum Rolandi et Arderici, patris et filii, qui hanc cartulam convenientie ut supra fieri rogaverunt, et ipse Rolandus eidem filio suo consensit ut supra.
Signum ++ (a) manuum Arderici Vavasore, Anselmi qui dicitur Crenzane, Gariardi de Sancto Raphaele, Ottonis Troxo, Vasalli de Compedo atque Gerlo, testium.
(ST) Ego Erlembaldus notarius ac iudex scripsi post traditam complevi et dedi.
Ibi statim, in presentia suprascriptorum testium, iuraverunt ipsi Rolandus et Ardericus, pater et filius, ad sancta Dei Euvangelia, ut si supradictos | denarios libras viginti et memoratum servitium trium librarum per annum, ut supra legitur, solutos non habuerint per se vel per eorum certum (b) missum eidem | Ambrosio vel suo certo misso, in supradicto constituto trium annorum, quod ambo, si tunc temporis adviscerit vel, si quis eorum deces|serit, ille qui superadviscerit, statim, preterito ipso constituo trium annorum (c), faciet tale cartulam ad proprium de suprascriptis omnibus, que leguntur in suprascripta cartula ven|dicionis, pro capite et servitio ipsorum denariorum, qualem iudex laudaverit, eidem Ambrosio vel suis (d) per unum suum iudicem; si non reman|serit, per parabolam ipsius Ambrosii vel suo certo misso, si Deus illos adiuvet et ipsa sancta Dei Euvangelia.

(a) Così, senza corrispondenza fra il numero delle croci e quello dei nomi.
(b) certu senza segno abbreviativo.
(c) statim - trium annorum nell'interlinea.
(d) A omette heredibus.

Edizione a cura di Anna Maria Rapetti
Codifica a cura di Gianmarco Cossandi