Codice diplomatico della Lombardia medievale
(secoli VIII - XII)

(ST) In nomine Domini. Anno dominice incarnationis millesimo centesimo septimodecimo, mense marcio, indictione decima. Constat nos Petrum filium quondam | Iohannis Clerici, et Isabellam, iugales, de loco Vicomaiore, qui professi sumus lege vivere Romana, mihi qui supra Isabelle ipso Petro, viro meo, con|sentiente, accepisse sicuti et in presentia testium manifesti sumus quod accepimus a te Arderico, filio quondam Garibaldi, de civitate Mediolani, argenti | denariorum bonorum solidos decem, finito pretio, sicut inter nos convenit, pro bosco cum area eius petia una, iuris nostri, reiacente in suprascripto loco Vicomaio|ri et nominatur in Valeria, cum area eius per mensuram pertice sex, a mane emptoris, a meridie et sero Lanfranci, a monte heredum Bombelli. Quem autem boscum | cum area eius superius dictum, cum superiore et inferiore seu cum fine et accessione sua, in integrum ab hac die tibi qui supra Arderico per hanc cartam et idem pretium | vendimus, tradimus et mancipamus, ut faciatis (a) exinde a presenti die tu et cui tu dederis vestrique heredes, iuris proprietarii nomine, quicquid volue|ritis, sine omni nostra et heredum nostrorum contradictione. Quidem et spondemus atque promittimus nos qui supra iugales, una cum nostris heredibus, tibi qui supra Arderico | et cui tu dederis vestrisque heredibus suprascriptum boscum, qualiter superius legitur, in integrum ab omni homine defensare. Quod si defendere non potuerimus aut | si contra hanc cartam vendicionis, per quodvis ingenium, agere aut causari presupserimus, in duplum vobis restituamus sicut pro tempore fuerit aut | valuerit, sub estimatione, in eodem loco. Quia sic inter nos convenit. Et nec nos liceat amodo ullo tempore nolle quod voluimus, sed quod a nobis hic semel fac|tum vel conscriptum est, inviolabiriter conservare promittimus, cum stipulatione, in eodem loco. Quia sic inter nos convenit. Actum suprascripta civitate Mediolani.
Signum ++ manuum suprascriptorum Petri et Isabelle, iugalium, qui hanc cartam vendicionis ut supra fieri rogaverunt et ipse Petrus eidem coniugi sue ut supra con|sensit.
Signum +++ (b) manuum Romedii Dentis, Lanfranci et Amizonis Bocardi, Montenarii filii Petri, Petri Paxifoliam, | Iordani Cixerelli, Arialdi filii Alberti, Ariprandi, fratris ipsius Isabelle, Nazarii de Vicomaiore, Romanorum et Longobardorum testium.
(ST) Ego Heriprandus notarius et iudex domni regis scripsi post traditam comp[levi] et dedi.
Ibi loco, presentia epsorum (c) testium, convenerunt ipsi iugales cum eodem Arderico ut si, amodo in antea, qualicumque tempore, placitum | vel intentio advenerint eidem Arderico aut suis heredibus vel cui dederit de campo petia una, reiacente in ipso loco Vicomaiori et nominatur | Vallexella, iuris Sancti Zenonis, unde hodie ipse Petrus fecit libellum in ipso Arderico ad unum starium fictum omni anno ad ipsam ecclesiam, | et est per mensuram pertice quattuor, vel si plus fuerit, ad partem ipsius ecclesie Sancti Zenonis, vel si plus fictum inde ei impositum fuerit, defendere | et vuarentare debent ipsi iugales et eorum heredes cum usu et ratione. Et si non defensaverunt boscum, qui superius legitur, maneat in propri|etate ipsius Arderici aut eius heredum vel cui dederint. Et si postea ipsi (d) iugales aut eius heredes agere aut causari presupserint, | tunc (e) tempore debent eidem Arderico aut suis heredibus vel cui dederint, pene nomine, argenti [denariorum] bonorum solidos quinquaginta. | Quia sic inter eos convenit. Actum suprascripta civitate Mediolani.

(a) faciatis con -t- corretto forse su -s-.
(b) Così, senza corrispondenza fra il numero delle croci e quello dei nomi.
(c) Così A.
(d) ipsi con -i corretto forse su -e.
(e) Lettura incerta.

Edizione a cura di Anna Maria Rapetti
Codifica a cura di Gianmarco Cossandi