Capitolo Minore - Decumani
26
<Carta> iudicati
1181 febbraio 17, (Milano), 'in ecclesia Sancte Marie Yemalis'.
Presbitero del fu Gervasio Palliarius del Carrobbio, chierico e canonico della canonica dei decumani di S. Maria Yemalis di Milano, perfeziona e amplia il testamento del 1176, disponendo legati a favore degli infermi degli ospedali del Brolo, dei Crociferi e de Arcu Romano sulla rendita di un appezzamento di terra sito presso la pusterla di porta Tosa e di due case site rispettivamente in porta Tosa e al Carrobbio. Un'aggiunta del 20 febbraio dispone una cerimonia sulla tomba del padre sita presso la porta della chiesa di S. Gabriele.
Copia della fine del sec. XVIII in Biblioteca Ambrosiana in Milano, G. C. Della Croce, Cod. dipl. Mediol., I 10, c. 32, ex aut. in arch. Benef. Metrop. Mediol., non reperito, con omissis [B].
Cfr. anche doc. n. 22.
Anno dominice incarnationis milleximo centeximo octuageximo primo, duodecimo die exeunte mense februarii, indictione quartadecima. Ego in Dei nomine Presbiter filius quondam Gervaxii Palliarii de Carrubio, clericus et canonicus canonice decumanorum Beate Marie Yemalis de civitate Mediolani, volo et iudico ut canonici ipsius canonice et archipresbiter faciant omni anno in prefata ecclesia Sancte Marie festivitatem beatorum martirum Iohanis et Pauli et in frugibus dentur denarii decem et octo, quas habeant, facientes vesperum et vigiliam, et duodecim canonici ipsius canonice habeant soldos quattuor in ipsa festivitate, et presbiter de Calvariate denarios quattuor, et presbiter de Lambrate alios denarios quattuor, et duo eorum clerici singulos denarios, et duo custodes ipsius canonice singulos denarios, et crucifer denarium unum, et soldi duo dentur in pane qui detur pauperibus in ipsa festivitate. Item volo et iudico ut die obitus mei faciant annuale meum et habeant ipsi duodecim canonici alios soldos quattuor, et iamscripti duo custodes denarios duos, et prefatus crucifer denarium unum, et alii soldi duo dentur in pane qui detur pauperibus ipso die prefati annualis. Item iudico eisdem duodecim canonicis denarios viginti et quattuor in kalendis novembris omni anno et denarios viginti et quattuor dandos in pane qui detur pauperibus in ipsis kalendis novembris. Et item iudico eisdem duodecim canonicis alios soldos duos in kalendis decembris et totidem sequenti die post epifaniam et totidem in kalendis februarii ut faciant prefati archipresbiter et canonici per singulas iamscriptas kalendas et sequenti die post epifaniam matutina kalendarum pro animabus omnium fidelium defunctorum. Similiter volo et iudico ut denarii duodecim dentur in pane de formento, qui detur infirmis morantibus in hospitali de Brolio et totidem infirmis morantibus in hospitali Cruciatorum et totidem infirmis de Arcu Romano omni anno in vigilia Nativitatis Dei et domini nostri Iesu Christi, et tantundem in unaquaque zobia sancta pro remedio et mercede anime mee, set volo et iudico ut archipresbiter qui pro tempore exit in ipsa canonica sit factor et dator horum meorum legatorum et habeat soldos duos omni anno pro cura, et custodes ipsius canonice denarios sex pro exactione illius ficti quod suppono his legaris. Hec autem mea legata seu iudicata constituo in perpetuum super petiam unam terre, quam habere videor foris, prope pusterlam de porta Tonsa, et quam ego emi ab heredibus quondam Grossi de Compito et quondam Petri Tazoni, et quam tenet Suzo beccarius qui dicitur de Aliiate ad fictum faciendum soldos quadraginta omni anno, et super casam meam de Carrubio, quam tenet Codasinus Scutarius ad fictum faciendum soldos quinque et dimidium nove monete Mediolanensis omni anno. Quia sic decrevit mea bona voluntas. Actum in iamscripta ecclesia Sancte Marie Yemalis. Interfuerunt Iohanes qui dicitur de Raude et Ubertus qui dicitur de Sexto ac Tazo qui dicitur de Mandello, rogati testes. Ego Gualdricus Palliarius notarius sacri palatii tradidi et subscripsi. Sciendum est quod VIIII die exeunte iamscripto mense iudicavit (a) ipse Presbiter ut prefati canonici, finita missa iamscripte festivitatis, eant ad tumulum prefati patris mei, qui iacet prope hostium ecclesie Sancti Cabrielis, cum cruce canendo 'usque in vita mea', et clerici eorum habeant singulos denarios, et toridem in annuali meo. Interfuerunt Guilielmus de la Turre et Rogerius de Piscaria et Guidottus Bixolus, testes. Ego Rogerius qui dicor Palliarius notarius sacri palatii scripsi.
(a) iudicavit nell'interlinea.
Edizione a cura di
Maria Franca Baroni
Codifica a cura di
Gianmarco De Angelis