Codice diplomatico della Lombardia medievale
(secoli VIII - XII)

(ST) Anno dominice incarnacionis millesimo centesimo octuagesimo, undecimo die intrante mense iullii, indictione terciadecima (a). Cartam vendicionis ad proprium fecit Braggius filius quondam Arnulfi qui dicebatur Bettus de burgo Vari|sio in manu Algisii ecclesie Sancti Victoris de Varisio prepositi et ad partem et ad utillitatem ipsius ecclesie, nominative de tribus petiis terre iuris et proprietatis ipsius Braggii reiacentibus in territorio de Bimio | Superiori - et quas petias obvenerunt ipsi Bragio per emptionem ex parte suprascripte ecclesie et fuerunt ipse petie de emptione librarum centum viginti et quinque denariorum novorum - prima petia terre est pratum et dicitur ad | Masanti, cui coehret a mane et a meridie suprascripte ecclesie, a sero et a monte via; secunda petia est campus et dicitur ad Pindi, ibi in costa, est ei a mane via, a meridie huius predicte ecclesie, a sero presbiteri Balbi et in parte Madii de Rancis; | tercia petia est campus (b) et dicitur in Amai, est ei a mane strada, a meridie Anrici Biriam et Ugonis Morliani, a sero ipsius Ugonis, a monte suprascripte ecclesie. Quantum de iure suprascripti Braggii infra suprascriptas coehrentias invenietur (c), | totum et una cum superioribus et inferioribus seu cum finibus et accesionibus suis in integrum in hac vendicione permaneat. Transtullitque ipse Bragius in suprascripto Algisio prepossito omne ius et omnem actionem et potestatem | quam ipse habebat et ei pertinebat in suprascriptis petiis terre; posuitque ipse Bragius eum prepossitum in suum locum et in possessionem de suprascriptis petiis, talli tenore ut de cetero semper ipse Algisius (d) prepossitus et eius succesores et | cui dederint tenere et habere debeant suprascriptas tres petias terre in integrum, et facere debeant ex ipsis petiis ad proprium omne suum velle et utille ac bonum absque ulla suprascripti Bragii et eius heredum contradicione et ullo | impedimento. Et hoc pro precio et pagamento librarum triginta denariorum novorum Mediolanensium quos predictus Braggius debebat suprascripto prepossito adhuc (e) de suprascripta emptione quam ipse Bragius fecerat ex suprascripta ecclesia | per libras centum viginti et quinque, de quibus denariis fuerunt dati libre octuaginta in decima (a) de Sgianno, quam suprascriptus prepossitus emit de heredibus quondam Iacobi de Castilliono. Et promissit et guadiam dedit ipse | Bragius ipsi preposxito quod omni tempore cum suis heredibus guarentare et defendere habet suprascriptas petias terre ut supra in integrum ei et suis succesoribus et cui dederint ab omni homine, si ipsas petias in|venientur fore obligatas vel impeditas facto ipsius Bragii. Et exinde posuit fideiussorem Gambam de Varisio fratrem suum qui abitat Bimio in pena dupli istarum rerum sicut pro tempore fuerint | melliorate vel valluerint in arbitratu bonorum hominum. Quia sic convenerunt inter se. Actum in suprascripto Varisio.
Signa + + manuum (f) suprascriptorum venditoris et fideiussoris, qui hanc cartam fieri rogaverunt ut supra.
Signa + + + manuum Iohannis Bevulci et Cigognini Mirimande de Varisio et Petri Cariori de Castibenno, testium.
(ST) Ego Bernardus de Varisio iudex et missus domini Frederici inperatoris hanc cartam tradidi et scripsi.

(a) Sulla i di decima un inutile segno abbreviativo.
(b) Segue a mane st cancellato.
(c) invenietur in interlineo.
(d) Algisius su rasura.
(e) adhuc in interlineo.
(f) Qui e più oltre in A anuum

Edizione a cura di Luisa Zagni
Codifica a cura di Patrizia Merati