Codice diplomatico della Lombardia medievale
(secoli VIII - XII)

(ST) Anno dominice incarnacionis milesimo centesimo octuagesimo secundo, quarto die mensis februarii, indictione quintadecima. Datum et vendicionem ad proprium fecerunt Marchio qui dicitur Cussius filius quondam |Richardi de Besozallo et Tempora uxor eius, viventes lege Longobardorum, consentiente ipso Marchione eidem Tempore uxori sue, et cum interrogatione ei facta | ab Octubre fratre suo et Lafranco parente suo de loco Besozallo si ipsa Tempora ullam vim passa fuerat ab aliquo homine ad hanc cartam faciendam an non, in quorum ac testium presentia | ipsa respondit 'non' et in eorum presentia sua sponte omni suo iuri hipotecario (a) renuntiavit, ut ibi manifestavit, in manu presbiteri Iohannis qui fuit de Bimio canonici ecclesie Sancti | Victoris de Varisio, qui recepit hoc datum ad partem ipsius beate ecclesie Sancti Victoris, pro pretio ab eo accepto librarum trium denariorum novorum, qui denarii fuerunt accepti de sexstariis | quattuor frumenti quod Bussabius fecerat fictum ipsi ecclesie pro gratia ipsius ecclesie et quia clericatus fuerat, nominative de novem petiis terrarum eorum iuris reiacentibus in territorio de suprascripto | loco Besozallo. Prima petia terre est campus et dicitur in Longoviexa, a mane Petratii, a meridie Bussi de Robore, a sero Trankerii, a monte preda una. Secunda est ibi desuper et est campus, a mane | et a monte Sancti Damiani, a meridie domini Ugonis, a sero via. Tertia est campus et dicitur ad Piazorum, a mane Obizonis de Marna, a meridie Pelligrini, a sero de Crivellis, a monte domini Rastelli. Quarta (b) | est ibi prope et dicitur in Valle Vidariti et est nemum et arbores insimul tenentem, a mane domini Obizonis, a meridie et a sero Ferrariorum, a monte Martini presbiteris (c) et Ciceris et | Obizonis de Marna. Quinta est campus et silva (d) insimul tenentem et dicitur a Silva Zanni, a mane Montarucio, a meridie suprascriptorum Ferrariorum, a sero domini Ugonis. Sesta est | campus et vinea insimul tenentem et dicitur ad Casee, a mane domini Obizonis, a meridie terre Sancti Ieorgii, assero et a monte via. Septima est campus et dicitur ad Olcellaria, a mane | Obizonis de Marna, a meridie domini Marcoaldi, a sero nemus, a monte corone suprascripte ecclesie. Octava est pratum et dicitur ad Ollonam in Prato Grimaldi, a mane Ollonne, a meridie | riale, a sero Buxii, a monte busscus. Nona est nemus et silva insimul tenentem et dicitur ad Silvam Retondam, a mane via, Iohannis Ardenci, a sero riale, a monte Marcoaldi. | Quantum infra suprascriptas coherentias inventum erit et una cum superioribus et inferioribus seu cum finibus et accessionibus suis, totum in hac vendicione permaneat. Et posuerunt | predicti venditores iamdictum Iohannem presbiterum in possesionem et in suum locum de petiis suprascriptis et dederunt ei omnem ius et actionem quam et quod ad eos pertinebat | in illis petiis et pro ipsis, tali tenore ut de cetero semper predicta ecclesia Beati Victoris et cui dederit tenere debeat et possidere ipsas petias, et facere ex ipsis proprietario | iure quicquid voluerit sine alicuius contradictione. Et promiserunt predicti venditores ac guadiam dederunt in manu iamdicti presbiteri Iohannis, qui recepit ad partem ecclesie, | quod ipsi et sui heredes defendent ipsi ecclesie omni tempore omnes predesignatas petias cum omni pertinenti ipsis petiis, et quod tollent de supra omnes illas personas que contradixerint | illas petias et dicent illas petias sibi obligatas esse et spetialiter cum suis exspensis et omnes alias personas contradicentes (e) cum iusticia et ita ut teneantur de | evicione ipsarum rerum in pena dupli, si ipse res evicte erunt. Et inde posuerunt fideiussores Octubrem et Lafrancum de ra Petra et Gisulfum filium quondam Petri | de Bonizo, omnes de loco Besozallo, qui omnes obligaverunt se et suos heredes perpetuo teneri de hac fideiussione in pena dupli et quisque in solidum. | Quia sic convenerunt inter se, et facto ibi consulto suprascripte Tempore de libris tribus denariorum novorum quos in dotem detullerat super sedimen suum quo habitant et super quantum | habent, ipsi venditores et iamdicti (f) fideiussori (c) hanc cartam fieri rogaverunt et afirmaverunt ut supra. Actum suprascripto loco Besozaro, in suprascripto sedimine.
Interfuerunt Trinkerius Cussius et Iohannes Cussius de suprascripto loco Besozallo et Busxabius clericus, testes ibi.
(ST) Ego Bernardus de Varisio iudex et missus (g) domini Frederici imperatoris hanc cartam tradidi et scripsi.
Et ibi iamdictus Iohannes presbiter nomine prefate ecclesie investivit nomine massaricii (h) predictum Marchionem de suprascriptis petiis terre ad fictum faciendum omni anno | in festo sancti Martini solidos .III. et dimedium monete nove Mediolanensis ministris qui pro tempore in antea fuerint de suprascripta ecclesia.

(a) In A hipotacario
(b) In A la r manca.
(c) Così A.
(d) In A sillva con la seconda l espunta.
(e) In A contradicetes
(f) In A iamdedicti
(g) In A missius
(h) In A massaracii

Edizione a cura di Luisa Zagni
Codifica a cura di Patrizia Merati