Codice diplomatico della Lombardia medievale
(secoli VIII - XII)

(ST) Anno dominice incarnacionis millesimo centesimo nonagesimo primo, die lune octavo kallendarum aprilis, indictione nona. Venditionem fecerunt ad proprium Ficia relicta quondam Guidonis Contense de loco Castibenno et Martinus eius filius et | Otta uxor ipsius Martini, profitentes se lege vivere Longobardorum, et renuntiantes ipse mullieres omni earum iuri ipothece et omni auxilio usus et legis quod inpetrare possent, et consentiente ipso Mar|tino iamdicte Otte uxori sue et Pitie matri sue, et cum aucturitate seu cum interrogatione Dominici Bellendi patris ipsius Otte et Iohannis de Puteolo de Arcizate consobrini eius, si ipsa Otta passa erat ab aliquo | nomine ulla vis ad hanc cartam et venditionem fatiendam an non, in quorum ac testium presentia ipsa Otta respondit non, imo ipsa Otta et iamdicta Fitia ambe manifestaverunt se suis spontaneis voluntatibus una | cum iamdicto Martino hanc cartam venditionis et libenter se facere, in manu domini Algisii ecclesie Sancti Victoris de Varisio prepositi, qui hanc emptionem fecit et cartam suprascriptam recepit ad partem iamdicte ecclesie Sancti | Victoris, nominative de quattuor petiis terre iuris ipsorum venditorum, quas ipsi venditores habere visi sunt in territorio de Castibenno. Prima petia dicitur ad Cornagam et est campus et tabulle quinquaginta et sex, | a mane suprascripte ecclesie, a meridie via, a sero Alberti Zermani, a monte Sancti Victoris de Varisio. Secunda dicitur ad Poregiam et est campus in quo sunt duo arbores et est tabulle viginti et una, a mane Anrici de Bubiate, a meridie | Avosti Garaverne, a sero heredum Viviani, a monte via. Tercia dicitur ad Silvam Desdonam et est campus et tabulle viginti et septern, a mane et a meridie et a sero via, a monte predicte ecclesie. Quarta dicitur ad Campum Casalem et est campus et | pratum et in qua petia sunt nux una et arbores quattuor, et est hec petia tabulle quadraginta et una, a mane et a monte via, a meridie dominorum de Castilliono, a sero Sancti Dionisii. Et si quid amplius ullo tempore inven|te erunt ad ullam perticam maiorem vel minorem illius pertice que dicitur de Sancto Nazario, ad quam in concordia venditorum hee (a) petie fuerunt mensurate, tamen una cum superioribus et inferioribus et finibus et accessionibus et usibus atque ac|tionibus et iure suprascriptis petiis pertinentibus, totum in hac venditione permaneat, pro pretio librarum novem denariorum Mediolanensium accepto ibi a predicto preposito. Scimiliter predicti venditores pro suprascripto pretio venditionem eidem | prelato fecerunt et eum ad partem suprascripte ecclesie posuerunt de omni iure et actione que ad eos (b) pertinebant pro suprascriptis petiis ullo modo, tali modo ut de cetero ipse Algisius prepositus et eius succesores (c) vel cui date erunt ex parte istius ecclesie | teneant et habeant suprascriptas quattuor petias terre cum omni suo iure et sicut supra legitur in integrum et fatiant ex ipsis rebus proprietario iure quicquid voluerint sine alicuius contradicione. Et pro suprascripto pretio librarum novem promiserunt | predicti venditores et guadiam dederunt et omnes suas res pignori obligaverunt prefato Algisio preposito ad partem suprascripte ecclesie, quod omni tempore cum suis heredibus exspedient et defendent ad proprium suprascriptas quattuor petias cum omni suo | pertinenti sicut supra legitur in integrum eidem preposito et suis successoribus vel cui petie iste date erunt ex parte ipsius ecclesie, ita quod stabunt in antea et defendent cum suo pignore et dispendio ab omnibus personis et sine dampno ecclesie | in pena dupli suprascriptarum rerum. Et sic posuerunt ei fideiussores Mussum de Sorario de Castibenno et Petrum Aramanni de Varisio, qui obligaverunt se et omnes suas res pignori ecclesie suprascripte de hac defensione omni tempore | perpetuo facienda ut supra per omnia et ita quod quisque eorum pro solido eligi et conveniri possit. Quia sic convenerunt inter se. Actum suprascripto Varisio, in curte canonicorum.
Et suprascriptas novem libras de quibus facta est hec emptio iudicavit isti ecclesie Albertus de Masennago qui fuit canonicus ipsius ecclesie.
Signa +++++++ manuum (d) suprascriptorum venditorum ac parentum suprascripte Otte atque fideiussorum suprascriptorum, qui omnes hanc cartam fieri rogaverunt ut supra; et fuit ibi confessa suprascripta Fitia se de dote sua consultum habere | super sedimen suum in quo habitat, et suprascriptus Martinus fecit consultum uxori de libris octo denariorum novorum super omnes res suas quas manifestavit ex ea in dote habuisse.
Interfuerunt vocati et rogati ibi testes Dionisius de Vellono et Petrus Bacegora de burgo Varisio [et][Girardus](e) de Sorario de Castibenno.
(ST) Ego Bernardus de Varisio iudex domini Frederici imperatoris hanc cartam tradidi et scripsi.

(a) Le due e aggiunte in interlineo.
(b) e ed o corrette su o
(c) Segue lettera cancellata.
(d) In A nuum
(e) L'integrazione è resa possibile dal confronto con il documento 130.

Edizione a cura di Luisa Zagni
Codifica a cura di Patrizia Merati