Codice diplomatico della Lombardia medievale
(secoli VIII - XII)

(ST) Anno dominice incarnacionis millesimo centesimo nonagesimo octavo, die mercurii, primo die intrante mense aprilis, indictione prima. Venditionem ad proprium fecit Ardicetus filius quondam [............. qui]| dicitur de Pindi de loco Bimio Superiori, profitendo se lege vivere Longobardorum, in manu domini Ugonis presbiteri qui fuit de Vennegonno ecclesie Sancti Victoris de Varisio prepositi (a), qui hanc [venditionem rece]|pit suo nomini et fratrum suorum clericorum suprascripte ecclesie et suorum successorum et ad utilitatem semper ipsius ecclesie, pro pretio triginta et sex librarum denariorum Mediolanensium terciolorum, quos omnes ille Ardicetus manifestavit se [accepisse, salvo]| pro solidis quindecim ipsius monete quos ipse prepositus dedit arbitris et mediatoribus istius contractus, nominative de tribus petiis terre una cum superioribus et inferioribus et finibus et accessionibus et iure et utilitati[bus suis]| que erant iuris ipsius Ardiceti et sororum et que iacent in territorio de Superiori Bimio. Prima quarum petiarum est sedimen et dicitur in Pindi prope pissinam, a mane et a sero et a monte via, a meridie suprascripte [ecclesie. Secunda]| est vinea et iacet ibi prope, a mane Iohannis Bianki, a meridie ipsius Iohannis et in parte Strimidi et in parte Batiffave heredum et in parte illius ecclesie. Tercia est silva et dicitur in Mimoriam, a mane Guilielmi G[....][, a meridie]| Guilielmi de Bragie et Ottonis Balbi, a sero Uberti Frotte et nepotum, a monte via. Quantum est infra suprascriptas coehrentias, totum in hac venditione pro suprascripto pretio permaneat. [Et] dedit et cessit [eidem]| domino Ugoni preposito nomini iamdicte ecclesie recipienti omnia iura et omnes actiones quas et quantascumque ipse habebat tam in rebus quam in personis pro evictione suprascriptarum petiarum, [iuxta lege et]| usu. Et fuit ipse Ardicetus confessus et contentus se dedisse parabollam ipsi preposito intrandi in possessionem (b) suprascriptarum petiarum et ille dixit se intrasse et modo possidere illas tres petias, ac [dedit eidem]| preposito proprietatem et possesionem suprascriptarum petiarum, tali modo ut de cetero ipse Ugo prepositus et fratres et sui successores et cui dederit nomine prefate ecclesie tenere et habere debeant suprascriptas trex (c) petias [terre sicut]| dant coehrentie integralliter cum omnibus et in omnibus et per omnia (d) et tacere ex eis iuris proprietarii nomine quicquid voluerint sine contradictione [.......]| et absque ulla mollestia. Et pro isto pretio convenit et promisit prenominatus Ardicetus et guadiam dedit ac omnes suas res pignori obligavit iamdicto (e) Varisiensi preposito suo [nomine et sororum suarum quod ipse]| Ardicetus cum suis heredibus exspediet et defendet suprascriptas tres petias terre cum omnibus et per omnia sicut dant coherentie eidem preposito et fratribus et cui dederint suisque successoribus [.....................]| cum iustitia, et spetialiter cum suo disspendio ab omnibus illis personis quibus in veritate invenientur quod suprascripte petie sint pignori obligate, denuntiatione cause facta. Et fatient Rolendam et [..... sorores et]| Comitem fratrem suum, cum fuerint in etate, cum omni aucturitate (c) in laude sui iudicis pro suprascripto pretio et sine ullo premio, cum requisiti fuerint, hanc venditionem et cartam firmare, et si non re[quisierint]| eos, tamen perpetualiter hanc venditionem ratam et firmam habere et de pretio se omnes tacitos fore sine dampno et gravamine predicte ecclesie; et sic de his omnibus fideiusserunt et promiserunt et se debitores [exstiterunt, dando]| omnes suas (f) pignori, Ardicio de Pindi (g) qui habitat Malnate patruus suus et dominus Malleguardatus iudex de Superiori Bimio, Magnus patruus suprascripti Ardiceti qui obligaverunt se ita ad [.....................]| eligi et conveniri, et ita ut perpetualiter teneantur de hac fideiussoria et debitoria (h) et quod suprascripti emptores possint convenire quem prius voluerint ex eis tribus. Quia sic convenerunt inter se. Actum [burgo Varixio].
Signa + + + manuum (i) suprascripti Ardiceti et suprascriptorum Malleguardati et Arditionis qui hanc cartam ut supra fieri rogaverunt.
Interfuerunt ibi rogati testes Iacobus de Noxedo de Bimio, Iohannes Bevulcus et Albertus Credenza de suprascripto burgo.
Solidi quinquaginta de suprascripto pretio accepit suprascriptus prepositus ab Iacobo de Bimio de Masennaco pro quinque minis (j) frumenti ficto quod vendidit.
Solidi quinquaginta et quinque de predicto pretio fuere de terra de [......., quam suprascripti prepositus]| et clerici vendiderunt Iohanni Viviani et [..............................]| Gazio et Trabucco et Girardo de Porta et [.................](k).
(ST) Ego Bernardus de Varisio iudex et missus domini Frederici imperatoris hanc cartam tradidi et scripsi, salva securitate facta de pretio solvenda (c).

(a) La parola, ripassata con inchiostro nero, si legge ora preositi
(b) In A possionem
(c) Così A.
(d) Segue, cancellato, eidem preposito et fratribus et suis suis (sic) successoribus et cui dederit
(e) Il segno abbreviativo generico manca.
(f) Si sottintenda res
(g) In A pndi
(h) In A dibitoria
(i) In A anuum
(j) In A mnis
(k) Da solidi aggiunto dal rogatario al termine dei signa manuum nello spazio rimasto in bianco in quel rigo e nei due successivi.

Edizione a cura di Luisa Zagni
Codifica a cura di Patrizia Merati