Codice diplomatico della Lombardia medievale
(secoli VIII - XII)

(SN) Anno dominice incarnacionis mill(esimo) centesimo septuagesimo octavo, tercio decimo die mensis septe(m)bris, indic(tione) .XI. | Roba, filius quondam Rustici, vivens lege Lo(m)barda, pro accepto precio denariorum bonorum Papie solidos quinquaginta quatuor et dimidium, | vendidit (a) Guidoni de Bibiano, filio quondam Ottonis, pecias duas prati iuris sui (b) cum areis suis, positas in terratorio (c) Sartirane. Prima pecia iacet super Me|zaninum et est pertice quatuor et dimidia; coheret ei: ab una parte ipse e(m)ptor, ab alia Rufinus Landus, a tercia Mezaninum, a quarta Roglerius | Catassius. Secunda pecia iacet ibidem (d) et est pertica una; coheret ei: ab una parte s(upra)s(crip)tus Roglerius, ab alia Petrus Calegarius, a tercia Rufinus Landus, | sive ibi alie s(in)t coherencie (e), omnia cum omnibus eiusdem peciis prati pertinentibus inintegrum. Eo m(od)o ut ipse Guido suique heredes et cui dederint abhinc in antea | h(abe)ant et detineant s(upra)s(crip)tas pecias prati una cum universis pertinentibus suis ad proprium et faciant exinde a presenti (f) die iure proprietario nomine quicquid voluerint sine contradicione s(upra)s(crip)ti Robe suorumque heredum et cum eorum promissa defensione ab omni homine cum racione vel dupla restauracione | pro t(em)poris melioracione in consimilibus locis. Insuper etiam Maria, filia quondam Alberti Calegarii et uxor (g) s(upra)s(crip)ti Robe, consensu eiusdem vi|ri sui et una cum noticia et interrogacione propinquorum parentum suorum, hii sunt (h) Guibertus de Bencio et Servusdei Raviza, renunciavit iuri | ypothecarum quod ei pertinebat in s(upra)s(crip)ta vendicione adversus ia(m)dictum Guidonem in pena dupli. Insuper quoque iuravit s(upra)s(crip)tus Roba ad | sancta Dei evangelia quod s(upra)s(crip)tas pecias duas prati se sciente per alodium detinebat et in aliam partem aliquo (i) m(od)o se sciente obligate non sunt quod no|ceant ia(m)dicto Guidoni suisque heredibus vel cui dederint, et a se ipso Roba vel aliqua submissa persona abhinc in antea non habet exinde agere | nec causare nec aliquo m(od)o i(m)brigare adversus eu(n)dem Guidonem suosque heredes vel cui dederint, et si briga vel contencio aliqua exinde eis aparu|erit ab omni homine cum racione defendere habet; et addidit in eodem sacramento per datam parabolam s(upra)s(crip)te Marie uxoris sue quod ipsa omni t(em)pore de s(upra)s(crip)to (j) iu|re tacita et contenta permanebit. Hec ita vera sunt et attendere et observare habent bona fide sine fraude, si Deus illos adiuvet et illa sancta Dei evangelia.
S(upra)s(crip)ti iugales hanc cartulam vendicionis fieri rogaver(unt) ut supra. Actum loco Sartirane. Feliciter.
Interfuer(unt) testes Iohannes Cerrutus et Azonus atque Iohannes de Bovilo.
(SN) Ego Guilielmus notarius sacri palacii interfui et hanc cartulam vendicionis tradidi et scripsi.

(a) A ve(n)di | ve(n)didit
(b) iuris sui nell'interlineo.
(c) A t(er)rotorio
(d) La prima i corr. da altra lettera, forse e
(e) A cohe(n)cie, contrariamente all'uso del notaio, che scrive cohere(n)cie
(f) A p(re)seti senza segno abbr. per la nasale.
(g) -x- corr. da o
(h) A om. sunt
(i) Su a- tratto di penna senza significato.
(j) A isto senza segno abbr.

Edizione a cura di Maria Antonietta Casagrande Mazzoli
Codifica a cura di Gianluca Vandone