281
Urbani papae III privilegium
1187 gennaio 7, Verona.
Urbano III papa, su istanza di Guglielmo abate e dei monaci di S. Maria di Morimondo e ricalcando un analogo privilegio di Alessandro III papa, prendendo il monastero sotto la sua protezione, ne conferma il possesso del luogo detto Morimondo, della grangia ove inizialmente fu <fondata> l'abbazia e di quelle di Basiano, di Fallavecchia, di Casterno e di Castelletum, quest'ultima con i beni, e le immunitą relative, su entrambe le sponde del Ticino, e con i diritti di pesca nel medesimo fiume; conferma altresģ la permuta perfezionata dal monastero con la pieve di S. Stefano di Rosate, nonché gli accordi stipulati con il preposito della pieve di <S. Vittore> di Casorate relativi ai diritti di decima e al territorio di Fallavecchia.
Copia semplice del sec. XVII, UGHELLI, Monumenta ordinis Cisterciensis, cc. 86r-87r [B]. Regesto del sec. XV, Inventarium, c. 159.
Edizioni parziali: UGHELLI, Italia Sacra, IV, coll. 168-9 (limitata alle 'subscriptiones' cardinalizie e alla 'datatio'); MIGNE, Patrologia, CCII, p. 1494, n. 116 (= Ughelli).
Regesti: GIULINI, Memorie, VII, p. 142 (alla data 1186 gennaio 7); PFLUGK HARTTUNG, Iter Italicum, p. 309, n. 840; JAFFE-L, n. 15927; KEHR, Italia Pontificia, VI, I, p. 130, n. 3.
Cf. GIULINI, cit., IV, p. 30; CAVAGNA SANGIULIANI, L'abbazia di Morimondo, p. 599; SAVIO, Milano, p. 452; AMBROSIONI, Monasteri e canoniche, pp. 612-3; OCCHIPINTI, Il monastero di Morimondo, p. 545.
Per l'identificazione dei cardinali che sottoscrivono il privilegio cf. BRIXIUS, Die Mitglieder des Kardinalkollegiums, nonché MALECZEK, Papst und Kardinalskolleg; circa il datario cf. JAFFÉ-L., II, p. 493.
La pressoché totale dipendenza di questo dal privilegio di Alessandro III del 1171 luglio 28 (doc. n. 222) č posta in risalto mediante il corsivo.
E' questa la prima delle due uniche attestazioni dirette (cf. anche doc. n. 288) relative all'abbaziato di Guglielmo, che succede evidentemente a Giacomo (ultima menzione nel doc. n. 276); Guglielmo, tuttavia, doveva essere in carica gią nel 1186, all'epoca della deperdita sentenza di Gibuino (n. 279: cf. la nota introduttiva).
Urbanus episcopus servus servorum Dei. Dilectis filiis Vu(i)ll(elmo) abbati monasterii ecclesię Sancte Marię Morimundi, quod iuxta Ticinum situm est, eiusque fratribus tam presentibus quam futuris regularem vitam profitentibus. Im perpetuum.
Religiosam vitam eligentibus apostolicum convenit adesse presidium, ne forte cuiuslibet temeritatis incursus aut eos a proposito revocet aut robur, quod absit, sacre religionis infringat. Eapropter, dilecti in Domino filii, iustis vestris postulationibus clementer annuimus (a) et prefatum monasterium Sancte Marię Morimondensis (b), in quo divino (c) mancipati estis obsequio, ad exemplar fęlicis recordationis Alexandri papę predecessoris nostri (1), sub sancti Petri et nostra protectione suscipimus, et presentis scripti privilegio co(m)munimus. In primis siquidem statuentes ut ordo monasticus, qui secundum Deum et beati Benedicti regulam atque instituta Cistercien(sium) fratrum in eodem loco noscitur institutus, perpetuis ibidem temporibus inviolabiliter (d) observetur; pręterea quascumque possessiones quecumque bona idem monasterium inpresentiarum iuste et canonice possidet aut in futurum ex concessione pontificum, largitione regum vel principum, oblatione fidelium vel aliis iustis modis, prestante Domino, poterit adipisci, firma vobis vestrisque successoribus et (e) illibata permaneant, in quibus hec propriis duximus exprimenda vocabulis: locum ipsum qui dicitur Morimundus cum aquis et aqueductibus et omnibus pertinentiis suis; grangiam ubi prius abbatia fuit nomine Coronago; grangiam de Fara Basiliana; grangiam de Fara Vetula; grangiam de Casterno et grangiam de Castelleto cum omnibus pratis, aquis, nemoribus et aquarum decursibus, pascuis, silvis et universis immunitatibus et pertinentiis suis, citra Ticinum et ultra, et piscationem in Ticino; commutationem (2) quoque canonice factam super territorio predicte grangie de Fara Basiliana inter vos et plebem (f) Sancti Stephani de Roxiate, sicut in autentico scripto exinde continetur, et conventionem (3) quę inter vos et prępositum plebis de Casolata super decimis et territorio Farę Vetulę iuste facta est et scripto autentico roborata, ad instar prędecessoris nostri predicti, auctoritate apostolica confirmamus; sane laborum vestrorum quos propriis manibus vel sumptibus colitis, sive de nutrimentis vestrorum animalium, nullus a vobis decimas presumat exigere; paci quoque et tranquillitate vestrę paterna provisione providere volentes, auctoritate apostolica prohibemus ut infra clausuram locorum seu grangiarum vestrarum quispiam violentiam facere, rapinam seu furtum committere, ignem apponere, hominem capere vel interficere qualibet temeritate pręsumat; liceat etiam vobis clericos vel laicos a seculo fugientes liberos et absolutos in monasterio vestro recipere, et eos sine contradictione aliqua retinere; prohibemus insuper ne ulli fratrum vestrorum, post factam in eodem loco professionem, aliqua levitate sine abbatis aut prioris sui licentia fas sit de claustro discedere, discedentem vero absque communium literarum cautione (g) nullus audeat retinere. Decernimus ergo ut nulli omnino hominum liceat prefatum monasterium temere perturbare aut eius possessiones auferre vel ablatas retinere, minuere seu quolibet modo vexationibus fatigare, sed illibata et integra conserventur eorum pro quorum gubernatione ac sustentatione concessa sunt, usibus omnimodis profutura, salva nimirum apostolice Sedis auctoritate. Si qua igitur in futurum ecclesiastica secularisve persona hanc nostre constitutionis paginam sciens contra eam temere venire temptaverit, secundo tertiove commonita, nisi presumptionem suam congrua satisfactione correxerit, potestatis honorisque sui careat dignitate reamque se divino iudicio existere de perpetrata iniquitate cognoscat et a sacratissimo corpore et sanguine Dei et domini redemptoris nostri Iesu Christi aliena fiat atque in extremo examine districte ultioni subiaceat. Cunctis autem eidem loco sua iura servantibus sit pax domini nostri Iesu Christi, quatinus et hic fructum bone actionis percipiant et apud districtum iudicem pręmia ęternę pacis inveniant (h). Amen amen amen.
(R) Ego Urbanus catholicę Ecclesię episcopus subscripsi.
+ Ego Henricus Albanensis episcopus subscripsi.
+ Ego Paulus Prenestinus episcopus subscripsi.
+ Ego Petrus de Bon(o) tituli Sancte Susane presbiter cardinalis subscripsi.
+ Ego Laborans presbiter cardinalis Sancte Marie in Transtiberim tituli Sancti Calixti subscripsi.
+ Ego Pandulfus presbiter cardinalis tituli .XII. Apostolorum subscripsi.
+ Ego Melior presbiter cardinalis Sanctorum Ioannis et Pauli tituli Pamachii subscripsi.
+ Ego Iacinthus (i) diaconus cardinalis Sancte Marię in Cosmedin subscripsi.
+ Ego Gratianus Sanctorum Cosme et Damiani diaconus cardinalis subscripsi.
+ Ego Bobo Sancti Angeli diaconus cardinalis subscripsi.
+ Ego Soffredus Sancte Marie in Via Lata diaconus cardinalis subscripsi.
+ Ego Rolandus Sancte Marie in Porticu diaconus cardinalis subscripsi.
+ Ego Ridulfus (j) Sancti Georgii (k) ad Velum Aureum diaconus cardinalis subscripsi.
Datum Verone per manum Alberti, sancte Romane Ecclesie presbiteri cardinalis et cancellarii, .VII. idus ianuarii, ind(ictione) .V., incarnationis dominice anno (l) .MCLXXXVI., pontificatus vero domini Urbani pape .III. anno .II°.
(a) B anuimus.
(b) B Morimondiensis.
(c) B om. divino.
(d) B iviolabiliter.
(e) B om. et.
(f) B pleben.
(g) B om. cautione; segue fratru(m) vestror(um) post facta(m) professione(m) erroneamente iterato.
(h) B inveniat.
(i) B Iacob(us).
(j) B Rildulfus.
(k) B Georgi.
(l) B om. anno.
(1) Doc. n. 222.
(2) Le carte di Morimondo, I, doc. n. 192, pp. 376-90.
(3) Le carte di Morimondo, I, doc. n. 92, pp. 186-8.
Edizione a cura di
Michele Ansani
Codifica a cura di
Gianmarco Cossandi